2018 jyldyń sońǵy toqsanynyń qorytyndysy boiynsha ataýly áleýmettik jáne turǵyn úi kómegi arqyly Qazaqstan halqynyń kirisi bir jyldyń ishinde úshten birge ósti, dep habarlaidy QazAqparat Finprom.kz saityna silteme jasap.
2018 jyldyń IV toqsanynyń sońynda adam basyna shaqqandaǵy halyqtyń aqshalai kirisi 164,7 myń teńgeni qurap, 2017 jyldan 11,3% ósken. Sonymen birge, shyǵyndar da ósip, IV toqsannyń aiaǵynda 163,2 myń teńge bolǵan. Bul aldyńǵy jylmen salystyrǵanda 12,1% artyq. Adam basyna shaqqandaǵy tabys shyǵynnan 1,5 myń teńgege ǵana artyq bolǵan. 2017 jyly aiyrma 2,4 myń teńgeni quraǵan.
Shyǵyndardyń ulǵaiýyna salyqtyń, tólemderdiń jáne t.b. tólemaqylardyń (+13,2%) jáne nesie men qaryz tóleýge jumsalatyn qarajattyń ósýi (+16% ) yqpal etken.
2018 jyldyń IV toqsanynyń sońynda halyqtyń shyǵystary qurylymynda tutynýshylyq shyǵyndar eń úlken úleske ie bolǵan - 93,4% nemese 152,4 myń teńge. Nesie men qaryzdardy óteýge jumsalatyn shyǵyndar 3,8% (6,2 myń teńge).
Eske salaiyq, 2019 jyldyń sońynda jeke tulǵalarǵa berilgen nesieler boiynsha keshiktirilgen qaryzdar 0,5%, 382,1 mln teńgege deiin azaiǵan. Aqshalai tabystyń 11,3% ósýine ataýly áleýmettik kómek pen turǵyn úi kómegi (+33,3%) jáne zeinetaqydan túsken tabys (+25,1%) yqpal etken.
2018 jyldyń aiaǵynda bir jumyskerdiń ailyq ortasha jalaqysy bir jylda 7,5% ósken. Ekinshi orynda zeinetaqy tur: 31 myń teńge. Tabystardyń kólemi boiynsha úshtikti týystardan, tanystar men alimentten túsken materialdyq kómek tuiyqtap tur: 4,7 myń teńge (+6,6%).
