AÁK alýshylarǵa COVID-19 aýrýynyń aldyn alý maqsatynda dári-dármek qobdishasy tegin beriledi, dep habarlaidy "Ult aqparat".
COVID-19 aýrýynyń aldyn alý aiasynda Qazaqstanda ataýly áleýmettik kómek alatyn otbasylarǵa meditsinalyq dári -dármek qobdishalaryn usyný boiynsha aktsiia bastaldy. Barlyǵy 145 myń jiyntyq tegin taratylady.
Jiyntyq quramyn QR Densaýlyq saqtaý ministrligi aiqyndady jáne oǵan termometr, maska, dezinfektsiialyq quraldar jáne steroid emes qabynýǵa qarsy preparattar kiredi.
Alýshylarǵa dári-dármek qobdishalaryn jetkizýdi qalalyq nemese aýdandyq jumyspen qamtýdy úilestirý jáne áleýmettik baǵdarlamalar bólimderi jáne aýyldyq ákimdikter júzege asyrady.
Bul shara qiyn materialdyq jaǵdaidaǵy otbasylardyń ekonomikalyq aýyrtpalyǵyn azaitýǵa múmkindik beredi dep josparlanýda.
«Bul halyqtyń eń osal tobyna qoldaý kórsetýge baǵyttalǵan mańyzdy ári qajetti joba. Biz bul dári-dármek qobdishalary azamattarymyz úshin COVID-19 aýrýynyń aldyn alýda kómek bolady dep úmittenemiz», – dep atap ótti QR Eńbekmini Áleýmettik kómek saiasatyn damytý departamenti direktorynyń orynbasary Ǵaliia Jabagina.
AÁK alýshylardy meditsinalyq jiyntyqpen qamtamasyz etý jónindegi joba Aziia Damý Bankiniń qarjylyq qoldaýymen iske asyryldy, BUU Damý baǵdarlamasynyń keńsesi - satyp alý operatory.
«Álemdegi bir de bir uiym jáne bir de bir el pandemiiany jalǵyz ózi jeńe almaityny anyq boldy. ADB BUUDB jáne damý jónindegi basqa da seriktestermen tyǵyz yntymaqtasa otyryp, Qazaqstan Úkimetine pandemiiaǵa qarsy kúreste qoldaý kórsetýdi jalǵastyrýda. Osy joba aiasynda biz eń osal otbasylardy qoldaimyz, Qazaqstanǵa virýstyń taralýyn tejeýge jáne pandemiiany jeńýge kómektesemiz», – dedi ADB-nyń Qazaqstandaǵy ókildiginiń basshysy Nariman Mannapbekov.
«ADB-men birlesip, ulttyq densaýlyq saqtaý júiesiniń tótenshe jaǵdailarǵa turaqtylyǵyn nyǵaitýǵa kómektesemiz. Bul joly biz Densaýlyq saqtaý ministrligi men Eńbek jáne halyqty áleýmettik qorǵaý ministrligine dári-dármekter men jeke qorǵaný quraldaryn satyp alýǵa qoldaý kórsettik», – dep atap ótti BUUDB Qazaqstandaǵy Turaqty Ókili Iakýp Berish.
Osy jobany iske asyrý 2015 jyly BUU Bas Assambleiasy «barlyq azamattar úshin jarqyn jáne neǵurlym turaqty bolashaqqa qol jetkizý jospary» retinde ázirlegen ornyqty damý maqsattaryna sáikes keledi.
