Premer-Ministr Asqar Maminniń tóraǵalyǵymen ótken Úkimet otyrysynda indýstriia jáne infraqurylymdyq damý ministri Beibit Atamqulov 2020 jyldyń 5 aiyndaǵy ónerkásip salasynyń damý qorytyndylary týraly baiandady, dep habarlaidy "Ult aqparat" primeminister.kz silteme jasap.
Elimizde biylǵy 5 aidyń qorytyndysy boiynsha ónerkásip óndirisiniń kólemi 4,8% ósti. 13 óńirde oń nátije kórsetti.
Taý-ken óndirý sektorynda tústi kenderdi óndirý «Qazaqmys» korporatsiiasynda», «Qazhrom» transulttyq kompaniiasy» aktsionerlik qoǵamynda, «Qazaqstan aliýminiii» kásipornynda ken óndirý kóleminiń artýy esebinen 3,3%-ǵa ósti.
Temir ken óndirý ótkizý naryqtaryn dástúrli elderden Qytai naryǵyna qaita baǵdarlaý, sondai-aq «Sokolov-Sarybai ken baiytý óndiristik birlestigi» aktsionerlik qoǵamy, «Órken» jaýapkershiligi shekteýli seriktestigi, «Bapy Mining» jaýapkershiligi shekteýli seriktestigi kásiporyndarynda ken óndirý kóleminiń artýy esebinen 8,9% ósti.
Kómir ónimderin tutyný kóleminiń artýyna bailanysty kómir óndirý kólemi 102,9% qurady.
Óńdeý ónerkásibinde naqty kólem indeksi tústi metallýrgiia, farmatsevtika, jeńil ónerkásip, mashina jasaý jáne basqa da salalar esebinen 4,9% ósti.
Tústi metallýrgiiada tazartylǵan mys óndirisi 17%, altyn quimalary 21%, túiirshikterdegi kúmis 23%, mys symdary 7% jáne basqa da kórsetkishterdiń ósýine bailanysty naqty kólem indeksi 6,6% artty.
Qara metallýrgiiada naqty kólem indeksi 97,6% qurady. Bul kórsetkish bolat ónimi kóleminiń tómendeýine bailanysty boldy.
Himiia ónerkásibinde óndiris kólemi 2,2% tómendedi. Peshtiń mamyr aiyna deiin kúrdeli jóndeýge toqtatylýyna bailanysty «Qazfosfat» jaýapkershiligi shekteýli seriktestiginde óndiris kólemi qysqardy.
«Mashina jasaý salasy jaqsy nátije kórsetip, óndiris kólemi 18,5% ósti. Avtokólik quraldary, treilerler jáne ashyq tirkemeler 47,1%, mashinalar men jabdyqtar 6,7%, ózge kólik quraldaryn jasaý 125,2%, kompiýterler jasaý 3,8% ósti», — dedi ministr.
Farmatsevtika ónerkásibinde óndiris kólemi 21,2% artty.
Jeńil ónerkásipte óndiris 10,8% ósti. Ol toqyma buiymdary óndirisiniń 10,7%, bylǵary ónimderdiń 9,9%, kiim óndirisiniń 6,6% ulǵaiýyna bailanysty boldy.
Kólik salasynda naqty kólem indeksi biylǵy qańtar-mamyr ailarynda 85,9% qurady.
Konteinerlik tasymaldar kólemi ótken jyldyń sáikes kezeńimen salystyrǵanda 30,1% artty jáne 312,4 myń jiyrma fýnttyq balamany qurady.
«Búkil álemde, onyń ishinde Qazaqstanda kólik salasy koronavirýs pandemiiasynan eń kóp zardap shekken salanyń biri ekenin aita ketý kerek. Respýblika aýmaǵynda kóliktiń barlyq túrimen jolaýshylardy tasymaldaý toqtatyldy», — dedi B. Atamqulov.
Osy jyldyń 1 mamyrynan bastap Nur-Sultan jáne Almaty qalalarynan elimizdiń 20 qalasyna ishki áýe reisteri kezeń-kezeńmen jandandyryldy.
Qazirgi tańda 44 ishki baǵyt boiynsha aptasyna 349 reis oryndalýda. 188 myń áýe bileti satyldy.
Sonymen qatar halyqaralyq reisterdi kezeń-kezeńmen jandandyrý josparlanyp otyr.
«Osy maýsym aiynyń sońynda Qazaqstan jáne Túrkiia arasynda halyqaralyq reisti qaita ashý kózdelgen. Epidemiialogiialyq jaǵdai ári qarai jaqsaryp jatsa, basqa eldermen áýe qatynasyn jandandyrý josparda bar», — dedi ministr.
Biylǵy 1 maýsymnan elimizde 54 jolaýshylar poiyzy qaita júre bastady. Osyǵan orai 15 mamyrdan biletter satýǵa shyǵaryldy. 8 maýsymǵa deiin poiyzdarǵa 645 myń bilet satylǵan.
Sonymen qatar respýblikalyq jáne jergilikti mańyzy bar avtomobil joldarynyń barlyq ýchaskelerinde qurylys-montajdaý jumystary qarqyndy júrip jatyr.
Qurylys salasynda naqty kólem indeksi 2020 jyldyń qańtar-mamyr ailarynda 105,9% qurady. Ósim elimiz boiynsha qurylys-montajdaý jumystaryn qaita jańǵyrtýǵa bailanysty qurylys kólemin arttyrý esebinen qamtamasyz etiledi.
15 óńirde oń dinamika baiqalady.
Turǵyn úi qurylysynda 2020 jyldyń 5 aiynyń qorytyndysynda 4 mln 75 myń sharshy metr turǵyn úi paidalanýǵa berildi. Bul – ótken jyldyń sáikes kezeńimen salystyrǵanda 88,4%. Respýblika boiynsha barlyǵy 33 479 baspana paidalanýǵa berildi. Turǵyn úidi paidalanýǵa berý kóleminiń artýy respýblikanyń 9 óńirde baiqalady.
«Ministrlik ónerkásip, kólik jáne qurylys salalarynda 2020 jylǵa qoiylǵan mindetterdi oryndaý úshin barlyq qajetti sharalardy qabyldap jatyr. Jyldyń qorytyndysy boiynsha josparly kórsetkishterine qol jetkiziledi», — dedi B. Atamqulov.
