«Atameken» UKP-nyń prezidiýmynyń sheshimimen palatanyń Basqarma tóraǵasynyń eki orynbasary taǵaiyndaldy. Bul týraly palatanyń resmi saitynda habarlandy.
Basqarma tóraǵasynyń orynbasary qyzmetine Evgenii Bolgert taǵaiyndaldy.
Ol Resei Federatsiiasy Ádilet Ministrligine qarasty Resei Quqyqtyq Akademiiasyn (Moskva, Sankt-Peterbýrg) úzdik baǵamen támamdaǵan zańger. Drezden ýniversitetiniń (Germaniia) zań fakýltetiniń Evropalyq quqyq kafedrasynda oqyǵan. Germaniia, Daniia, Avstraliia, Ulybritaniia, Avstraliia sekildi elderde taǵylymdamadan ótken. Aǵylshyn jáne nemis tilderin jetik meńgergen.
Kásibi qadamyn zań qyzmetteri men birja saýdasynan, iri kompaniialardyń jobalaryna jetekshilik etýden bastaǵan.
2011 jyldan beri Respýblikalyq taý-ken qazý jáne taý-ken metallýrgiialyq Qaýymdastyǵy Direktorynyń orynbasary qyzmetin atqarǵan.
2013 jyly «Atameken» qurylǵannan beri taý-ken óndirisi Sekretariatynyń basshysy, salalyq baza direktorynyń atqarýshy orynbasary boldy.
2016-2019 jyldar aralyǵynda óndiristik qaýipsizdik jáne nysandardyń tehnikalyq diagnostikasyna baǵyttalǵan «Kamkor Service»( «Qamqor Menedjment» kompaniiasynyń enshilesi), JShS Bas direktory qyzmetin atqarǵan.
Sondai-aq «Atameken» UKP Basqarma tóraǵasynyń orynbasary qyzmetine Lázzat Ramazanova taǵaiyndaldy.
Lazzat Ramazanova Almaty qalasyndaǵy Qazaq memlekettik álem tilderi ýniversitetin, (1990-1995), Astana qalasyndaǵy Qazaq memlekettik zań akademiiasyn bitirgen (1998-2001).
1995-1998 jyldary - Qazaqstan Respýblikasynyń Maindaǵy Frankfýrt qalasy Bas konsýldyǵynda qyzmet etti.
1998-1999 jyldary - QR SIM baspasóz-attashesi, Ákimshilik jáne baqylaý departamentiniń attashesi boldy.
1999-2002 jyldary - QR Qarjy ministriniń hatshylyǵynda qyzmet etti.
2002 jyly - QR EBJM Halyqaralyq qarjy qatynastary departamentiniń bólim bastyǵy boldy.
2003-2005 jyldary - «Dala group» JAQ Bas direktorynyń keńesshisi, keiinnen Bas direktory qyzmetin atqardy.
2006-2007 jyly - QR Qarjy ministrligi apparatynyń basshysy boldy.
2007-2008 jyldar- QR Qarjy ministrligi Boryshkerlermen jumys jónindegi komiteti tóraǵasynyń orynbasary, 2008-2009 jyldary - QR QM Qarjylyq baqylaý komiteti, Almaty oblysy boiynsha Qarjy baqylaý inspektsiiasy bastyǵynyń orynbasary.
2011-2013 jyldary - QR QM Qorǵanys, quqyq qorǵaý júiesi jáne memlekettik organdar salasyndaǵy biýdjettik baǵdarlamalardyń oryndalýyn taldaý, iske asyrylýyn baǵalaý jáne josparlaý departamentiniń direktory.
2013 jyldan - «Atameken» QR UKP Tóralqa Tóraǵasy hatshylyǵynyń basshysy boldy.
2015 jyldan - «Atameken» QR UKP Isker áielder keńesiniń tóraiymy.
2017 jyldan - Ulttyq olimpiada komiteti prezidentiniń keńesshisi boldy. QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń múshesi.
