24 mamyrda QR Din isteri jáne azamattyq qoǵam ministrliginde «Atameken» ishki baǵdarlamasy tujyrymdamasynyń jobasy talqylandy, dep habarlaidy "Ult aqparat".
Atalmysh baǵdarlama Elbasynyń «Bolashaqqa baǵdar: rýhani jańǵyrý» maqalasy aiasynda bergen tapsyrmasy boiynsha ázirlengen «Týǵan jer» baǵdarlamasynyń, sondai-aq «Rýhani jańǵyrý» qoǵamdyq sanany jańǵyrtý baǵdarlamasynyń qurylymdyq bólimi bolyp tabylady.
Kezdesý barysynda úkimettik emes uiymdar men sarapshylyq qaýymdastyq ókilderi úsh negizgi jobadan: «Azamattyq bastamalar kartasy», «Azamattyq baqylaý», «Jomart júrek» turatyn ishki baǵdarlamany iske asyrýdyń negizgi tujyrymdamalyq tásildemelerin qarastyrdy.
«Azamattyq bastamalar kartasy» negizgi jobasynyń basty mindeti óńirlerdiń kókeikesti qajettilikterin anyqtaý, azamattyq bastamalardy yntalandyrý, sondai-aq memleketti, biznes-qurylymdar, úkimettik emes uiymdardyń ókilderi men eriktilerdi óńirlik jobalardy júzege ayrý men qoldaýǵa tartý bolyp tabylady.
«Azamattyq baqylaý» jobasynyń maqsaty – airyqsha ótkir áleýmettik mańyzy bar máselelrdi jedel sheshý, sonymen qatar memlekettik organdar qyzmetiniń tiimdiligin azamattardyń baǵalaý mehanizmin qurý.
«Jomart júrek» negizgi jobasyn iske asyrý turǵyndardy kishi otandy damytýǵa qatysýyna yntalandyrýǵa baǵyttalǵan.
Is-sharaǵa Erlan Sairov (saiasattanýshy), Aigýl Soloveva («Aimaq» QQ), Esentúgel Eleýken («Qazaqstan KVN odaǵy» RJQB), Qanat Áýesbai (UAQ «Azamattyq bastamalardy qoldaý ortalyǵy» saraptaý komissiiasynyń múshesi), Qairat Elýbaev («Qaharman urpaq» QQ), Baian Ahmetjanova («Ardager» QQ), Elena Dmitrienko («Juldyz» QB), Chingiz Lepsibaev («Eurasian Expert Council» QQ), Nurlan Ótesh (UAQ «Azamattyq bastamalardy qoldaý ortalyǵy») jáne t.b. qatysty.
Talqylaý barysynda kezdesý qatysýshylary jobalardy iske asyrý boiynsha birqatar sharalar usyndy.
QR Din isteri jáne azamattyq qoǵam vitse-ministri A.Núkenov «Atameken» ishki baǵdarlamasynyń tujyrymdamasyn iske asyrý azamattyq bastamany arttyrýǵa septigin tigizedi dep atap ótti. Atalmysh joba aiasynda áleýmettik jáne ózge máselelerdi sheshýge ár azamattyń úles qosý múmkindigi qarastyrylǵan. Mysal úshin, ETsQ arqyly azamattardyń kókeikesti máseleleri men ony sheshý joldary boiynsha usynystar joldanatyn internet-portal qurý josparlanǵan.
Saiasattanýshy Erlan Sairov bul jobalardy júzege asyrý barlyq qazaqstandyqtardy biriktirýge múmkindik beredi dep atap ótti. Osy oraida atalmysh internet-portaldy ázirleý men ilgeriletý úderisine barlyq azamattardyń qatysýyn qamtamasyz etý úshin, bul máseleni egjei-tegjeili qarastyrýdy usyndy.
Óz kezeginde, belgili jýrnalist Qanat Áýesbai jobalardy iske asyrýda jobalardyń tiimdiligin baǵalaýǵa múmkindik beretin tiimdiliktiń negizgi kórsetkishterin (KPI) eskerý qajettiligin aitty.
Is-shara qorytyndysy boiynsha QR Din isteri jáne azamattyq qoǵam vitse-ministri A.Núkenov úkimettik emes uiymdar men sarapshylyq qaýymdastyq ókilderin sarapshylar men keńesshiler retinde jobalyq toptardyń jumysyna, sondai-aq iske asyrylyp jatqan jobalarǵa qoǵamdyq monitoringke belsene qatysýǵa shaqyrdy.
