Qyrǵyzstan densaýlyq saqtaý ministrligi Koi-Tashta eldiń burynǵy prezidenti Almazbek Atambaevty ustaý operatsiiasy kezinde jaralanǵan arnaiy jasaq ókili alǵan jaraqattan kóz jumǵanyn habarlady. Ministrliktiń dereginshe, operatsiia kezinde 36 adam jaralanǵan, olardyń 15-i - arnaiy jasaq qyzmetkeri.
Dárigerlerdiń sózinshe, kóz jumǵan arnaiy jasaq qyzmetkeriniń júregine oq tigen. Ol aýrýhanada qaitys bolǵan.
7 tamyzda Bishkek ýaqytymen keshki saǵat segiz shamasynda arnaiy jasaq eks-rezident Almazbek Atambaevty ustaý operatsiiasy bastaǵan. Qyrǵyzstan memlekettik ulttyq qaýipsizdik komiteti operatsiia áli jalǵasyp jatqanyn habarlady. Atambaev jaqtastarynyń sózinshe, burynǵy prezident úiiniń ishinde otyr.
27 maýsymda Qyrǵyzstan parlamenti Almazbek Atambaevty eks-prezident jáne tiispeýshilik mártebesinen aiyrǵan. Keiin IIM Atambaevty tergeýge shaqyra bastady.
Qyrǵyzstannyń burynǵy prezidentine "qyzmette júrip jemqorlyqqa jol berdi, ókiletin asyra paidalandy jáne zańsyz baiydy" degen siiaqty jalpy sany bes aiyp taǵylǵan. Atambaev bul aiyptardyń bárin joqqa shyǵaryp, ústinen qozǵalǵan istiń saiasi astary bar dep málimdegen.
