قىرعىزستان دەنساۋلىق ساقتاۋ مينيسترلٸگٸ كوي-تاشتا ەلدٸڭ بۇرىنعى پرەزيدەنتٸ المازبەك اتامباەۆتى ۇستاۋ وپەراتسيياسى كەزٸندە جارالانعان ارنايى جاساق ٶكٸلٸ العان جاراقاتتان كٶز جۇمعانىن حابارلادى. مينيسترلٸكتٸڭ دەرەگٸنشە, وپەراتسييا كەزٸندە 36 ادام جارالانعان, ولاردىڭ 15-ٸ - ارنايى جاساق قىزمەتكەرٸ.
دەرٸگەرلەردٸڭ سٶزٸنشە, كٶز جۇمعان ارنايى جاساق قىزمەتكەرٸنٸڭ جٷرەگٸنە وق تيگەن. ول اۋرۋحانادا قايتىس بولعان.
7 تامىزدا بٸشكەك ۋاقىتىمەن كەشكٸ ساعات سەگٸز شاماسىندا ارنايى جاساق ەكس-رەزيدەنت المازبەك اتامباەۆتى ۇستاۋ وپەراتسيياسى باستاعان. قىرعىزستان مەملەكەتتٸك ۇلتتىق قاۋٸپسٸزدٸك كوميتەتٸ وپەراتسييا ەلٸ جالعاسىپ جاتقانىن حابارلادى. اتامباەۆ جاقتاستارىنىڭ سٶزٸنشە, بۇرىنعى پرەزيدەنت ٷيٸنٸڭ ٸشٸندە وتىر.
27 ماۋسىمدا قىرعىزستان پارلامەنتٸ المازبەك اتامباەۆتى ەكس-پرەزيدەنت جەنە تيٸسپەۋشٸلٸك مەرتەبەسٸنەن ايىرعان. كەيٸن ٸٸم اتامباەۆتى تەرگەۋگە شاقىرا باستادى.
قىرعىزستاننىڭ بۇرىنعى پرەزيدەنتٸنە "قىزمەتتە جٷرٸپ جەمقورلىققا جول بەردٸ, ٶكٸلەتٸن اسىرا پايدالاندى جەنە زاڭسىز بايىدى" دەگەن سيياقتى جالپى سانى بەس ايىپ تاعىلعان. اتامباەۆ بۇل ايىپتاردىڭ بەرٸن جوققا شىعارىپ, ٷستٸنەن قوزعالعان ٸستٸڭ ساياسي استارى بار دەپ مەلٸمدەگەن.
