Qyrǵyzstannyń burynǵy prezidenti Almazbek Atambaevtyń Koi-Tash aýylyndaǵy rezidentsiiasynda taǵy da qaqtyǵys bastaldy, dep habarlaidy Sputnik Qyrǵyzstan.
Úidiń mańyna 200-ge jýyq militsioner tartyldy. Atambaev jaqtastarynyń sany olardan eki esege artyq.
Tártip saqshylaryna tas pen Molotov kokteili laqtyryldy. Al militsiia jaryq-dybystyq granata qoldanǵan. Budan soń, Atambaevtyń jaqtastarynyń kúshi kem túse bastady.
Aita keteiik, 7 tamyz kúni keshke Atambaevtyń Koi-Tash aýylyndaǵy úiine shabýyl jasalǵany belgili boldy. Eks-prezidenttiń rezidentsiiasy ornalasqan aýyl Bishkek qalasynan 20 shaqyrym qashyqtyqta. Atambaevty ustaý operatsiiasyn eldiń memlekettik ulttyq qaýipsizdik komitetiniń arnaiy jasaǵy júrgizgen. Olar burynǵy prezidenttiń úiiniń aýlasyna basa-kóktep kirip, rezeńke oqpen ata bastaǵan.
Kúsh qurylymdarynyń áreketine jaýap retinde Atambaevtyń jaqtastary úige kirip, arnaiy jasaq sarbazdaryn kepilge alǵan. Jergilikti turǵyndar men Atambaevtyń jaqtastary arnaiy jasaq sarbazdaryna tas laqtyryp, jaǵdai ýshyǵa tústi. Artynsha atys bastaldy.
Sońǵy málimetke sáikes, 52 adam zardap shekti. Arnaiy jasaqtyń bir qyzmetkeri qaza boldy.
