قىرعىزستاننىڭ بۇرىنعى پرەزيدەنتٸ المازبەك اتامباەۆتىڭ كوي-تاش اۋىلىنداعى رەزيدەنتسيياسىندا تاعى دا قاقتىعىس باستالدى, دەپ حابارلايدى Sputnik قىرعىزستان.
ٷيدٸڭ ماڭىنا 200-گە جۋىق ميليتسيونەر تارتىلدى. اتامباەۆ جاقتاستارىنىڭ سانى ولاردان ەكٸ ەسەگە ارتىق.
تەرتٸپ ساقشىلارىنا تاس پەن مولوتوۆ كوكتەيلٸ لاقتىرىلدى. ال ميليتسييا جارىق-دىبىستىق گراناتا قولدانعان. بۇدان سوڭ, اتامباەۆتىڭ جاقتاستارىنىڭ كٷشٸ كەم تٷسە باستادى.
ايتا كەتەيٸك, 7 تامىز كٷنٸ كەشكە اتامباەۆتىڭ كوي-تاش اۋىلىنداعى ٷيٸنە شابۋىل جاسالعانى بەلگٸلٸ بولدى. ەكس-پرەزيدەنتتٸڭ رەزيدەنتسيياسى ورنالاسقان اۋىل بٸشكەك قالاسىنان 20 شاقىرىم قاشىقتىقتا. اتامباەۆتى ۇستاۋ وپەراتسيياسىن ەلدٸڭ مەملەكەتتٸك ۇلتتىق قاۋٸپسٸزدٸك كوميتەتٸنٸڭ ارنايى جاساعى جٷرگٸزگەن. ولار بۇرىنعى پرەزيدەنتتٸڭ ٷيٸنٸڭ اۋلاسىنا باسا-كٶكتەپ كٸرٸپ, رەزەڭكە وقپەن اتا باستاعان.
كٷش قۇرىلىمدارىنىڭ ەرەكەتٸنە جاۋاپ رەتٸندە اتامباەۆتىڭ جاقتاستارى ٷيگە كٸرٸپ, ارنايى جاساق ساربازدارىن كەپٸلگە العان. جەرگٸلٸكتٸ تۇرعىندار مەن اتامباەۆتىڭ جاقتاستارى ارنايى جاساق ساربازدارىنا تاس لاقتىرىپ, جاعداي ۋشىعا تٷستٸ. ارتىنشا اتىس باستالدى.
سوڭعى مەلٸمەتكە سەيكەس, 52 ادام زارداپ شەكتٸ. ارنايى جاساقتىڭ بٸر قىزمەتكەرٸ قازا بولدى.
