"Qyrǵyzstan prezidenti Almazbek Atambaev 17 qarashada jumys saparymen Reseige barady", - dep habarlady prezident apparatyna silteme jasaǵan Azattyqtyń Qyrǵyz redaktsiiasy.
Atambaev VI Sankt-Peterbýrg halyqaralyq mádeni forýmyna qatysady. Forým Marinskii teatrynda ótedi.
Qyrǵyz prezidenti sonymen qatar Resei basshylarymen kezdesip, eki jaqty qarym-qatynas talqylanady dep josparlanǵan.
8 qarashada Almazbek Atambaev Resei prezidenti Vladimir Pýtinmen telefonmen sóilesken. Olar Qyrǵyzstan-Resei qatynastary men birlesken jobalardy iske asyrý jaiyn talqylaǵan. Pýtin Atambaevty forýmǵa qatysýǵa sol kezde shaqyrǵan.
