Qyrǵyzstan eks-prezidenti Almazbek Atambaev búgin Bishkekte Qyrǵyzstan sotsial-demokratiialyq partiiasynyń (QSDP) 17-sezinde osy uiymnyń tóraǵasy bolyp sailandy. Bul týraly jýrnalisterge jergilikti "Besinshi telearnanyń" burynǵy bas direktory Evgeniia Berdenikova habarlaǵan.
Onyń aitýynsha, sezdiń kúni tártibinde partiianyń ótken segiz aida atqarǵan jumysy jáne partiia jetekshisin sailaý týraly eki másele qaralǵan. "Almazbek Atambaev partiia lideri bolyp sailandy" dedi Berdenikova.
Biliktegi QSDP sezi jabyq ótti. Buǵan deiin partiia jiyny ótip jatqan Bishkektegi "Orion" qonaqúiine BAQ ókilderin kirgizbegeni týraly aqparat taraǵan edi. Sezge Qyrǵyzstan aimaqtarynan barlyǵy 190 delegat shaqyrylǵan.
1994 jyly tirkelgen Qyrǵyzstan sotsial-demokratiialyq partiiasyn ony qurý týraly bastama kótergenderdiń biri Almazbek Atambaev basqarǵan. 2011 jyly Qyrǵyzstan prezidenti bolyp sailanýyna bailanysty Atambaev partiia basshylyǵynan ketkeli beri uiym tóraǵasynyń orny bos turǵan.
