AQSh-ta tikushaq apatynan aty ańyzǵa ainalǵan basketbolshy Kobi Braiant pen 13 jasar qyzy Djianna Mariia qaza boldy. Sportshynyń tórt balasy bar edi, dep habarlaidy TMZ Sports.
Áýe apaty bolǵan kezde olar dostarymen birge tikushaqpen jattyǵýǵa bara jatqan. Tikushaq tańerteń, 26 qańtar kúni Los-Andjeles okrýgindegi Kalabasas qalasynyń mańynda qulady. Bortta barlyǵy toǵyz adam bolǵan: bir pilot jáne segiz jolaýshy. Bári kóz jumdy.
Djianna Mariianyń ólimin Los-Andjeles qalasynyń meri Erik Garsetti rastady. AQSh-tyń burynǵy prezidenti Barak Obama qaiǵyly oqiǵaǵa qatysty óziniń Twitter-inde jazba jariialady.
"Kobi alańnyń ańyzy edi. Ol ózi úshin asa mańyzdy jumysty endi qolǵa alǵan bolatyn. Djiannadan aiyrylý biz úshin óte qaiǵyly. Mishel ekeýimiz Braianttyń otbasy úshin syiynyp, mahabbatymyzdy joldaimyz", - dep jazdy Obama.
