Foto: Sebastian Gollnow / DPA / TASS
Basqa qalalarda turatyn ata-anasynan aiyrylǵan stýdentterdiń jataqhanada turý shyǵystary óteledi, dep habarlaidy "Ult aqparat" primeminister.kz saityna silteme jasap.
"Memleket basshysy Q. Toqaev 2022 jylǵy 1 qyrkúiektegi «Ádiletti memleket. Birtutas ult. Berekeli qoǵam» Joldaýynda Úkimetke «...stýdentterdiń jekelegen áleýmettik turǵydan az qamtylǵan sanattary úshin jataqhanada turý shyǵystaryn sýbsidiialaý múmkindigin pysyqtaýdy» tapsyrdy. Jańa oqý jyly qarsańynda Prezident tapsyrmalaryn oryndaý aiasynda Úkimet tiisti qaýly qabyldady" - delingen habarlamada.
Atap aitqanda, «Áleýmettik kómek kórsetiletin azamattarǵa áleýmettik kómek berý qaǵidalaryna» ózgerister men tolyqtyrýlar engizilgen. Oǵan sáikes azamattardyń jekelegen sanattary úshin elimizdiń kolledjderi men joǵary oqý oryndarynda bilim alý kezinde jataqhanada turý shyǵystary úshin ótemaqy tóleý kózdelgen.
"Ótemaqyny jetimder men ata-ana qamqorlyǵynsyz qalǵan balalar, sondai-aq múgedektigi bar adamdar alady. Jataqhanalarda turý shyǵystary úshin ótemaqy somasy jylyna 29 ailyq eseptik kórsetkishti quraityn bolady.
Biyl barlyǵy 7 145 adam ótemaqy alady. Olardyń ishinde 4 651 jetimder jáne ata-ana qamqorlyǵynsyz qalǵan stýdentter, 2 494 múgedektigi bar, bala kezinen múgedek adamdar, múgedektigi bar balalar bar.
Tiisti shyǵyndar 2023 jylǵa bekitilgen respýblikalyq biýdjet, sondai-aq 2024-2026 jyldarǵa arnalǵan biýdjet limiti aiasynda qaralady" - delingen Úkimet baspasóz qyzmetiniń habarlamasynda.
Ótemaqy osy jyldyń qyrkúieginen bastap beriledi.
