Shyǵys Qazaqstan oblysynda ata-anasy koronavirýsqa qarsy ekpe saldyrmaǵan balalar balabaqshaǵa kirgizilmeitindigi jaily aqparat jalǵan, dep habarlaidy "Ult aqparat".
Sońǵy kúnderi áleýmettik jelilerde «ata-anasy COVID-19-ǵa qarsy vaktsina almaǵan balalar balabaqshalarǵa kirgizilmeitindigi» týraly aqparat tarap ketti. Alaida óńirdiń jáne eldiń bas sanitarlyq dárigerleriniń qaýlylarynda mundai talaptar joq. ShQO Sanitarlyq-epidemiologiialyq baqylaý departamenti qaýesetti joqqa shyǵardy.
«QR Bas memlekettik sanitarlyq dárigeriniń 14 shildedegi qaýlysynda mektepke deiingi mekemelerge baratyn búldirshinderdiń ata-analaryn vaktsinatsiialaý týraly másele qozǵalmaidy. Balalar balabaqshalarǵa esh shekteýsiz barady», – delingen habarlamada.
Bas memlekettik sanitarlyq dárigerdiń qaýlysynda sońǵy 3 ai ishinde turaqty meditsinalyq qarsy kórsetilimderi bar nemese COVID-19 infektsiiasymen aýyrǵandardy qospaǵanda, virýsqa vaktsina almaǵan adamdar kúndizgi bólimde jumys isteýge jiberilmeidi dep jazylǵan. Bul talap bilim berý jáne tárbieleý uiymdarynyń qyzmetkerlerine de qatysty. Alaida atalǵan bilim berý mekemelerine baratyn balalarǵa jáne olardyń ata-analaryna vaktsinatsiia týraly talaptar qoldanylmaidy.
