QR Bas memlekettik sanitar dárigeri Aijan Esmaǵambetova vaktsinatsiia talaptary týraly pikir bildirdi, dep habarlaidy QazAqparat.
«Vaktsinalaý taqyryby qazir qyzý talqylanyp jatyr. Búkil álemde vaktsina mindetti jáne erikti bolyp ekige bólinedi. Bizdegi «Halyq densaýlyǵy jáne densaýlyq saqtaý júiesi týraly» kodekste de vaktsina osylai ekige bólinedi. Tegin meditsinalyq kómektiń kepildendirilgen kólemi aiasyndaǵy mindetti vaktsinalar men kez kelgen tilek bildirýshi saldyratyn erikti vaktsinalar bar. Shynynda da kodekstiń 85-babynda QR azamattarynyń mindetti tizimdegi vaktsinalardy alý qajettigi jazylǵan. Biraq, vaktsinalaýdyń mindetti bolýy – ata-anany kúshtep kóndirý emes. Ata-ana qalamasa, ekpe salynbaidy», - dedi bas sanitarlyq dáriger onlain brifingte.
Spikerdiń aitýynsha, mindetti ekpeler meditsinalyq qyzmetkerler men memleket úshin mańyzdy. Olar Tegin meditsinalyq kómektiń kepildendirilgen kólemi aiasynda tirkeý boiynsha turyǵndarǵa mindetti vaktsinalardy usynyp, ony qoljetimdi etýge mindetti.
«Taǵy da qaitalaimyn, Kodekste kez kelgen vaktsinalaý, ásirese kámelet jasqa tolmaǵan balalarǵa qatysty meditsinalyq qyzmetter ata-ananyń nemese zańdy ókildiń kelisimimen júrgiziledi. Qazir de emhanaǵa barǵanda, ekpe alarda aqparattyq kelisim qaǵazyn toltyramyz. Sodan keiin ǵana balaǵa ekpe salynady. Nemese ata-ana ekpeden bas tartyp, vaktsinaǵa senbeý t.b. siiaqty sebepterin kórsetip, qujat toltyrýy kerek. Bul aqparat biz úshin mańyzdy, biz ekpedenbas tartýdyń sebepterin bilgimiz keledi. Qoryta aitqanda, ata-analarǵa ekpe salý májbúrlenbeidi», - dedi A. Esmaǵambetova.
