قر باس مەملەكەتتٸك سانيتار دەرٸگەرٸ ايجان ەسماعامبەتوۆا ۆاكتسيناتسييا تالاپتارى تۋرالى پٸكٸر بٸلدٸردٸ, دەپ حابارلايدى قازاقپارات.
«ۆاكتسينالاۋ تاقىرىبى قازٸر قىزۋ تالقىلانىپ جاتىر. بٷكٸل ەلەمدە ۆاكتسينا مٸندەتتٸ جەنە ەرٸكتٸ بولىپ ەكٸگە بٶلٸنەدٸ. بٸزدەگٸ «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكستە دە ۆاكتسينا وسىلاي ەكٸگە بٶلٸنەدٸ. تەگٸن مەديتسينالىق كٶمەكتٸڭ كەپٸلدەندٸرٸلگەن كٶلەمٸ اياسىنداعى مٸندەتتٸ ۆاكتسينالار مەن كەز كەلگەن تٸلەك بٸلدٸرۋشٸ سالدىراتىن ەرٸكتٸ ۆاكتسينالار بار. شىنىندا دا كودەكستٸڭ 85-بابىندا قر ازاماتتارىنىڭ مٸندەتتٸ تٸزٸمدەگٸ ۆاكتسينالاردى الۋ قاجەتتٸگٸ جازىلعان. بٸراق, ۆاكتسينالاۋدىڭ مٸندەتتٸ بولۋى – اتا-انانى كٷشتەپ كٶندٸرۋ ەمەس. اتا-انا قالاماسا, ەكپە سالىنبايدى», - دەدٸ باس سانيتارلىق دەرٸگەر ونلاين بريفينگتە.
سپيكەردٸڭ ايتۋىنشا, مٸندەتتٸ ەكپەلەر مەديتسينالىق قىزمەتكەرلەر مەن مەملەكەت ٷشٸن ماڭىزدى. ولار تەگٸن مەديتسينالىق كٶمەكتٸڭ كەپٸلدەندٸرٸلگەن كٶلەمٸ اياسىندا تٸركەۋ بويىنشا تۇرىعندارعا مٸندەتتٸ ۆاكتسينالاردى ۇسىنىپ, ونى قولجەتٸمدٸ ەتۋگە مٸندەتتٸ.
«تاعى دا قايتالايمىن, كودەكستە كەز كەلگەن ۆاكتسينالاۋ, ەسٸرەسە كەمەلەت جاسقا تولماعان بالالارعا قاتىستى مەديتسينالىق قىزمەتتەر اتا-انانىڭ نەمەسە زاڭدى ٶكٸلدٸڭ كەلٸسٸمٸمەن جٷرگٸزٸلەدٸ. قازٸر دە ەمحاناعا بارعاندا, ەكپە الاردا اقپاراتتىق كەلٸسٸم قاعازىن تولتىرامىز. سودان كەيٸن عانا بالاعا ەكپە سالىنادى. نەمەسە اتا-انا ەكپەدەن باس تارتىپ, ۆاكتسيناعا سەنبەۋ ت.ب. سيياقتى سەبەپتەرٸن كٶرسەتٸپ, قۇجات تولتىرۋى كەرەك. بۇل اقپارات بٸز ٷشٸن ماڭىزدى, بٸز ەكپەدەنباس تارتۋدىڭ سەبەپتەرٸن بٸلگٸمٸز كەلەدٸ. قورىتا ايتقاندا, اتا-انالارعا ەكپە سالۋ مەجبٷرلەنبەيدٸ», - دەدٸ ا. ەسماعامبەتوۆا.
