Ata-analar Sara Nazarbaeva negizin qalaǵan «Bóbek» ortalyǵyn qaita qurý bastamasyna qarsy shyǵyp, petitsiia jariialady, dep habarlaidy "Ult aqparat".
Oqý-aǵartý ministrligi buryn «Bóbek» ulttyq ǵylymi-praktikalyq, bilim berý jáne saýyqtyrý ortalyǵyn «Úzdiksiz inkliýzivti bilim berýdiń ulttyq ǵylymi-praktikalyq ortalyǵy» retinde qaita qurýdy josparlap otyrǵanyn málimdegen edi.
Ata-analar bul ózgeristiń ortalyqtaǵy qyzmet sapasyna teris áser etetininen alańdap otyr.
«Bóbek» ortalyǵy óz kásibiliginiń, tájiribesiniń jáne bilim men saýyqtyrýǵa degen biregei kózqarasynyń arqasynda ata-analar men balalar arasynda suranysqa ie boldy. Bul ortalyqqa túsý ońai emes, kóptegen ata-ana balalaryna dál osy jerde oqýǵa jáne damýǵa múmkindik berýge tyrysady. Biz ortalyqty qaita qurý balalarymyzǵa jasalatyn jaǵdailardyń nasharlaýyna ákep soǵady jáne qalyptasqan balansty buzady dep sanaimyz. Biz oqý-aǵartý ministrliginen «Bóbek» ortalyǵyn qaita qurýǵa qatysty josparyn qaita qaraýdy suraimyz. Onyń basqarý formasyn ózgertkenshe, ony damytý men qoldaýǵa investitsiia quisa quba-qup bolar edi. Biz ortalyqtyń qazirgi kúiinde saqtalǵanyn qalaimyz jáne balalarymyzdyń bolashaǵy úshin onyń múddesin qorǵaýǵa ázirmiz», - delingen petitsiia mátininde.
Petitsiiaǵa 50 myń adam qol qoisa, oqý-aǵartý ministrligi ony qaraýǵa mindetti bolady.
Eske salsaq, Sara Nazarbaeva 1992 jyldyń aqpanynda «Bóbek» halyqaralyq balalar qaiyrymdylyq qorynyń negizin qalap, qordyń prezidenti qyzmetin atqardy.
