Bibigúl Asylova premer-ministrdiń áleýmettik blok boiynsha keńesshisi bolyp taǵaiyndaldy, - dep habarlaidy "Ult aqparat".
"Qazaqstan premer-ministriniń ókimi boiynsha, Bibigúl Amangeldiqyzy Asylova Qazaqstan Respýblikasy premer-ministriniń keńesshisi laýazymyna taǵaiyndaldy", - delingen habarlamada.
Buǵan deiin ol bilim jáne ǵylym vitse-ministri qyzmetinen bosatylǵan bolatyn.
Bibigúl Asylova 1975 jyly Soltústik Qazaqstan oblysynda dúniege kelgen. Aqmola qarjy-ekonomikalyq tehnikýmyn, Qazaq memlekettik basqarý akademiiasyn bitirgen. Eńbek jolyn 1993 jyly Kókshetaý oblystyq qarjy basqarmasynyń biýdjet bóliminiń josparlaý, bilim berýdi jáne mádenietti qarjylandyrý bóliminiń mamany qyzmetinen bastaǵan.
1994-1998 jyldary - Kókshetaý jáne Petropavl qalalarynyń memlekettik organdarynda maman bolyp jumys istegen.
1998-2016 jyldary - QR Qarjy ministrliginiń, Ekonomika jáne biýdjettik josparlaý ministrliginiń, Mádeniet ministrliginiń, Eńbek jáne halyqty áleýmettik qorǵaý ministrliginiń qurylymdarynda jumys istegen. 2016 jylǵy maýsymnan bastap qazirgi ýaqytqa deiin QR bilim jáne ǵylym vitse-ministri qyzmetin atqarǵan.
