Sporttyq jarystardyń jeńimpazdaryna baǵaly syilyqtar, shyǵarmashylyq qabiletterin kórsetý múmkindigi jáne at ústindegi sheberlikti synaityn saiystar – festival uiymdastyrýshylary qatysýshylarǵa osyndai qyzyqty baǵdarlamalar ázirlegen.
«Asyl besik – Aqsýat» festivali 5-7 maýsym kúnderi Abai oblysynyń Aqsýat aýdanynda ótedi. Bul – tek sporttyq básekeler ǵana emes, sonymen qatar óner men shyǵarmashylyqty nasihattaityn aýqymdy mádeni shara.
Festival jeńimpazdaryn qomaqty syilyqtar kútedi. 5 maýsym kúni Yrǵyzbai ata kesenesi janynda toǵyzqumalaq týrniri uiymdastyrylyp, bas júldege 1 million teńge tigiledi. Júldeli oryndar 9-orynǵa deiin qarastyrylǵan jáne árqaisysyna aqshalai syiaqy beriledi.
Dástúrli top báige men alaman báige jarystarynyń jeńimpazdary avtokólik utyp alý múmkindigine ie bolady. Ekinshi oryn iegerine 2,5 million teńge, úshinshi oryn alǵan qatysýshyǵa 1,5 million teńge tabystalady.
Sondai-aq oblystyń ár aýdanynan kelgen balýandar ógiz palýan jáne túie palýan saiystarynda kúsh synasady. Bul jarystardyń da bas júldesi – avtokólik. Ekinshi jáne úshinshi oryndarǵa aqshalai syilyqtar qarastyrylǵan.
«Artyq bilim – kitapta» atty kitap oqý baiqaýynyń jeńimpazdary da avtokólik pen aqshalai júldelerge ie bolady.
Festival 7 maýsym kúni qazaqstandyq estrada juldyzdarynyń qatysýymen ótetin aýqymdy gala-kontsertpen qorytyndylanady.
