سپورتتىق جارىستاردىڭ جەڭٸمپازدارىنا باعالى سىيلىقتار, شىعارماشىلىق قابٸلەتتەرٸن كٶرسەتۋ مٷمكٸندٸگٸ جەنە ات ٷستٸندەگٸ شەبەرلٸكتٸ سىنايتىن سايىستار – فەستيۆال ۇيىمداستىرۋشىلارى قاتىسۋشىلارعا وسىنداي قىزىقتى باعدارلامالار ەزٸرلەگەن.
«اسىل بەسٸك – اقسۋات» فەستيۆالٸ 5-7 ماۋسىم كٷندەرٸ اباي وبلىسىنىڭ اقسۋات اۋدانىندا ٶتەدٸ. بۇل – تەك سپورتتىق بەسەكەلەر عانا ەمەس, سونىمەن قاتار ٶنەر مەن شىعارماشىلىقتى ناسيحاتتايتىن اۋقىمدى مەدەني شارا.
فەستيۆال جەڭٸمپازدارىن قوماقتى سىيلىقتار كٷتەدٸ. 5 ماۋسىم كٷنٸ ىرعىزباي اتا كەسەنەسٸ جانىندا توعىزقۇمالاق تۋرنيرٸ ۇيىمداستىرىلىپ, باس جٷلدەگە 1 ميلليون تەڭگە تٸگٸلەدٸ. جٷلدەلٸ ورىندار 9-ورىنعا دەيٸن قاراستىرىلعان جەنە ەرقايسىسىنا اقشالاي سىياقى بەرٸلەدٸ.
دەستٷرلٸ توپ بەيگە مەن الامان بەيگە جارىستارىنىڭ جەڭٸمپازدارى اۆتوكٶلٸك ۇتىپ الۋ مٷمكٸندٸگٸنە يە بولادى. ەكٸنشٸ ورىن يەگەرٸنە 2,5 ميلليون تەڭگە, ٷشٸنشٸ ورىن العان قاتىسۋشىعا 1,5 ميلليون تەڭگە تابىستالادى.
سونداي-اق وبلىستىڭ ەر اۋدانىنان كەلگەن بالۋاندار ٶگٸز پالۋان جەنە تٷيە پالۋان سايىستارىندا كٷش سىناسادى. بۇل جارىستاردىڭ دا باس جٷلدەسٸ – اۆتوكٶلٸك. ەكٸنشٸ جەنە ٷشٸنشٸ ورىندارعا اقشالاي سىيلىقتار قاراستىرىلعان.
«ارتىق بٸلٸم – كٸتاپتا» اتتى كٸتاپ وقۋ بايقاۋىنىڭ جەڭٸمپازدارى دا اۆتوكٶلٸك پەن اقشالاي جٷلدەلەرگە يە بولادى.
فەستيۆال 7 ماۋسىم كٷنٸ قازاقستاندىق ەسترادا جۇلدىزدارىنىڭ قاتىسۋىمەن ٶتەتٸن اۋقىمدى گالا-كونتسەرتپەن قورىتىندىلانادى.
