Dárigerler "Astyqjan" saýda ortalyǵynda bolǵan órt kezinde terezeden qulaǵan qyzdyń jaǵdaiyn aitty. Bul týraly Ulttyq ǵylymi travmatologiia jáne ortopediia ortalyǵy habarlady, - dep habarlaidy Tengrinews.kz.
Ortalyqtyń málimetinshe, 20 jastaǵy qyzdyń jaǵdaiy turaqty. Ol qosymsha tekserýden ótip, emdelip jatyr.
"Onyń jaǵdaiy jaqsy, ómirine qaýip tónip turǵan joq", - dep habarlady UQShU baspasóz qyzmeti.
2 qazanda "Astyqjan" saýda ortalyǵynda órt shyǵyp, úshinshi qabattaǵy jihaz salony órtendi. Órt aýmaǵy 7 myń sharshy metrge jetti.
Órt sóndirýshiler kelgenge deiin jihaz tsehynyń jumysshysy, 2001 jyly týǵan qyz ekinshi qabattyń terezesinen qulap, órtten qashqan. Oqiǵa videoǵa túsip qalǵan.
Keltirilgen zalaldyń mólsherin anyqtaý úshin ákimdik ókilderi men saýda úii basshylyǵynan turatyn jedel shtab quryldy. Politsiia Qylmystyq kodekstiń 292-baby órt qaýipsizdigi talaptaryn buzý boiynsha qylmystyq is qozǵady.
