QR DSM sanitarlyq-epidemiologiialyq baqylaý komitetiniń resmi ókili Erjan Baitanaev AstraZeneca vaktsinasyn Qazaqstanǵa jetkizý máselesi jóninde pikir bildirdi, dep habarlaidy "Ult aqparat".
Onyń aitýynsha, AstraZeneca vaktsinasy boiynsha basqa elderde kemshilikter men kúmán anyqtala bastaǵandyqtan, ony jetkizý boiynsha kelissózder toqtatylǵan.
«Biz koronavirýsqa qarsy vaktsina shyǵaratyn barlyq eldermen kelissózder júrgizip jatqanymyzdy aittyq. AstraZeneca vaktsinasyn jetkizý boiynsha da kelissózder júrgizildi. Sodan keiin ýaqytsha toqtadyq, biraq qazir kelissózderdi qaita bastaýǵa, klinikalyq zertteýlerdiń nátijelerin kórýge daiynbyz, óitkeni bizde bul vaktsinaǵa qyzyǵýshylyq bar. Biraq bul kelisimge qol qoiyldy jáne kúni erteń AstraZeneca bizdiń elde bolady degendi bildirmeidi. Bul áńgime barlyq nátijelerdi zerttep, muqiiat teksergennen keiin ǵana bastalady», - dedi Erjan Baitanaev Ortalyq kommýnikatsiialar qyzmetinde ótken brifingte.
