قر دسم سانيتارلىق-ەپيدەميولوگييالىق باقىلاۋ كوميتەتٸنٸڭ رەسمي ٶكٸلٸ ەرجان بايتاناەۆ AstraZeneca ۆاكتسيناسىن قازاقستانعا جەتكٸزۋ مەسەلەسٸ جٶنٸندە پٸكٸر بٸلدٸردٸ, دەپ حابارلايدى "ۇلت اقپارات".
ونىڭ ايتۋىنشا, AstraZeneca ۆاكتسيناسى بويىنشا باسقا ەلدەردە كەمشٸلٸكتەر مەن كٷمەن انىقتالا باستاعاندىقتان, ونى جەتكٸزۋ بويىنشا كەلٸسسٶزدەر توقتاتىلعان.
«بٸز كوروناۆيرۋسقا قارسى ۆاكتسينا شىعاراتىن بارلىق ەلدەرمەن كەلٸسسٶزدەر جٷرگٸزٸپ جاتقانىمىزدى ايتتىق. AstraZeneca ۆاكتسيناسىن جەتكٸزۋ بويىنشا دا كەلٸسسٶزدەر جٷرگٸزٸلدٸ. سودان كەيٸن ۋاقىتشا توقتادىق, بٸراق قازٸر كەلٸسسٶزدەردٸ قايتا باستاۋعا, كلينيكالىق زەرتتەۋلەردٸڭ نەتيجەلەرٸن كٶرۋگە دايىنبىز, ٶيتكەنٸ بٸزدە بۇل ۆاكتسيناعا قىزىعۋشىلىق بار. بٸراق بۇل كەلٸسٸمگە قول قويىلدى جەنە كٷنٸ ەرتەڭ AstraZeneca بٸزدٸڭ ەلدە بولادى دەگەندٸ بٸلدٸرمەيدٸ. بۇل ەڭگٸمە بارلىق نەتيجەلەردٸ زەرتتەپ, مۇقييات تەكسەرگەننەن كەيٸن عانا باستالادى», - دەدٸ ەرجان بايتاناەۆ ورتالىق كوممۋنيكاتسييالار قىزمەتٸندە ٶتكەن بريفينگتە.
