Oqiǵa 4 sáýirge qaraǵan túni bolǵan. Sýyq qarýlanǵan 4 adam tekserý úshin toqtatqan politseilerdi atyp óltirip, oqiǵa ornynan izin sýytypty. 27 jastaǵy negizgi kúdiktiniń ulty qazaq dep jazyp jatyr reseilik BAQ.
Qaskóiler «Gazel» avtokóligimen qashyp ketken. Tergeý komitetiniń málimetinshe, quqyq qorǵaýshylar qazir osynaý qylmysqa qatysy bar degen kúdikpen 6 adamdy izdestirip jatyr. Negizgi kúdikti - 1990 jyly týǵan Nurbol Saspanov. Ol Astrahan oblysy Stepnoi aýylynyń týmasy. Onyń sybailastary - Álibek Ǵizatov (1990 j.t.), Zakir Tajikov (1992 j.t.), Ramazan Kýkýlaev (1996 j.t.), Qadyrbai Maimashev (1979 j.t.), Ilias Magomedov (1990 j.t.) jáne Ahmed Magomedov (1986 j.t.).
Búgin tártip saqshylary kúdiktiler mingen «Gazel» mikroavtobýsyn Tri Potoka aýylynyń mańynan tapqan. Kóliktiń memlekettik nómiri Daǵystanǵa tiesili.
Áleýmettik jelilerde politseilerge jasalǵan qarýly shabýyldyń videokadrlary men basty kúdikti Nurbol Saspanovtyń sýretteri jariialandy.
