Foto: videodan skrinshot
Astanada bolǵan jol-kólik oqiǵasy saldarynan júrgizýshi kóz jumdy, dep habarlaidy Ult.kz Tengrinews.kz agenttigine silteme jasap.
Oqiǵa ornynan túsirilgen beinejazba redaktsiianyń WhatsApp nómirine joldanǵan. Kadrlarda kóliktiń jaryq shamynyń tiregine soǵylǵany jáne sham baǵandarynyń jerge qulaǵany baiqalady. Avtokólik qatty zaqymdanǵan.
Politsiia departamentiniń baspasóz qyzmetiniń habarlaýynsha, Chery Tiggo markaly kóliktiń júrgizýshisi Kerei, Jánibek handar kóshesimen qozǵalyp kele jatyp, Qabanbai batyr dańǵylymen qiylysta rólge ie bola almai, kóshe jaryǵynyń tiregine soǵylǵan.
«Soqqynyń saldarynan kólik aýdarylyp ketken. Alǵan jaraqattarynan júrgizýshi oqiǵa ornynda kóz jumdy», – delingen politsiia habarlamasynda.
Qazir bul derek boiynsha qylmystyq is qozǵalyp, tekserý jumystary júrgizilip jatyr.
