Nur-Sultan qalasynyń bas memlekettik sanitar dárigeri Sarhat Beisenova elorda turǵyndaryn saqtyq sharalaryn ustanýǵa shaqyrdy, dep habarlaidy "Ult aqparat".
«Qaladaǵy epidemiologiialyq jaǵdai turaqsyz bolyp qalýda. Osyǵan bailanysty qala turǵyndaryna, ásirese úi karantinindegi adamdarǵa, sondai-aq kásipkerlik sýbektilerine aitarym: barlyq shekteý sharalary men sanitarlyq erejelerdi saqtańyzdar. Bul, infektsiianyń taralýyn tómendetýge jáne aýrý qaýpin azaitýǵa múmkindik beredi», - dedi bas memlekettik sanitar dáriger elorda ákimdiginde ótken brifingte.
Onyń atap ótýinshe, qalada jaǵdaidy turaqtandyrý jáne COVID-19-dy jeńý úshin turǵyndardy jappai vaktsinalaý júrip jatyr. Bul ujymdyq immýnitetti damytýǵa jáne ádettegi ómir yrǵaǵyna oralýǵa múmkindik beredi.
«Árbir turǵyndy barshaǵa belgili saqtyq sharalaryn ustanýǵa, atap aitqanda qoǵamdyq oryndarda betperde kiiýge, áleýmettik qashyqtyqty saqtaýǵa, buqaralyq is-sharalardy uiymdastyrmaýǵa jáne qatyspaýǵa shaqyramyn. Qala turǵyndaryn óz densaýlyǵyna jáne ainalasyndaǵy adamdardyń densaýlyǵyna jaýapkershilikpen qaraýdy suraimyn», - dedi Sarhat Beisenova.
Eske salaiyq, Nur-Sultan qalasy koronavirýs ahýalyn baǵalaý matritsasynda 1,5 ai boiy «qyzyl» aimaqta tur.
