Astananyń ataýyn ózgertý protsedýrasy tolyqtai Konstitýtsiia talaptaryna sai júzege asyryldy, dep habarlaidy QR Ádilet ministrligi.
Ministrlik taratqan málimetke qaraǵanda Qazaqstannyń elordasy - Astana.
Bul QR Konstitýtsiiasynyń 2-shi babynda anyq kórsetilgen. Konstitýtsiiaǵa túzetýlerdi Parlament Ata zańnyń 53-shi baby negizinde engize alady. Bul protses el Prezidentiniń Parlament palatalarynyń birlesken otyrysynda júzege asyrylady.
Alaida Konstitýtsiiada halyq sailaǵan Prezidenttiń merziminen buryn ókilettigin toqtatqannan keiin, osy ókilettikti qabyldaǵan tulǵanyń Konstitýtsiiaǵa ózgeris engizýge quqy joq ekendigi (48 bap) aitylǵan.
Degenmen, Konstitýtsiiaǵa túzetýlerdi respýblikalyq referendýmda engizýge bolady (91 bap). Referendým ótkizý týraly usynysty Parlament nemese Úkimet engizedi. Referendýmdy ótkizý nemese ótkizbeý týraly sheshimdi Prezident qabyldaidy.
Biraq, Prezident Parlamenttiń qaraýyna engizetin bolsa, Konstitýtsiiaǵa engiziletin ózgerister men tolyqtyrýlardyń jobasy respýblikalyq referendýmǵa shyǵarylmaidy. Bul jaǵdaida Parlament sheshimi Konstitýtsiianyń aldynda aitylǵan 53-shi babtyń talaptaryna sáikes qabyldanady.
Astananyń ataýyn ózgertýge qatysty Konstitýtsiiaǵa engiziletin túzetýler osy atalǵan protsedýraǵa sai júzege asyryldy. Iaǵni, ol QR Konstitýtsiiasynyń talaptaryna tolyqtai sai.
