استانانىڭ اتاۋىن ٶزگەرتۋ پروتسەدۋراسى تولىقتاي كونستيتۋتسييا تالاپتارىنا ساي جٷزەگە اسىرىلدى, دەپ حابارلايدى قر ەدٸلەت مينيسترلٸگٸ.
مينيسترلٸك تاراتقان مەلٸمەتكە قاراعاندا قازاقستاننىڭ ەلورداسى - استانا.
بۇل قر كونستيتۋتسيياسىنىڭ 2-شٸ بابىندا انىق كٶرسەتٸلگەن. كونستيتۋتسيياعا تٷزەتۋلەردٸ پارلامەنت اتا زاڭنىڭ 53-شٸ بابى نەگٸزٸندە ەنگٸزە الادى. بۇل پروتسەس ەل پرەزيدەنتٸنٸڭ پارلامەنت پالاتالارىنىڭ بٸرلەسكەن وتىرىسىندا جٷزەگە اسىرىلادى.
الايدا كونستيتۋتسييادا حالىق سايلاعان پرەزيدەنتتٸڭ مەرزٸمٸنەن بۇرىن ٶكٸلەتتٸگٸن توقتاتقاننان كەيٸن, وسى ٶكٸلەتتٸكتٸ قابىلداعان تۇلعانىڭ كونستيتۋتسيياعا ٶزگەرٸس ەنگٸزۋگە قۇقى جوق ەكەندٸگٸ (48 باپ) ايتىلعان.
دەگەنمەن, كونستيتۋتسيياعا تٷزەتۋلەردٸ رەسپۋبليكالىق رەفەرەندۋمدا ەنگٸزۋگە بولادى (91 باپ). رەفەرەندۋم ٶتكٸزۋ تۋرالى ۇسىنىستى پارلامەنت نەمەسە ٷكٸمەت ەنگٸزەدٸ. رەفەرەندۋمدى ٶتكٸزۋ نەمەسە ٶتكٸزبەۋ تۋرالى شەشٸمدٸ پرەزيدەنت قابىلدايدى.
بٸراق, پرەزيدەنت پارلامەنتتٸڭ قاراۋىنا ەنگٸزەتٸن بولسا, كونستيتۋتسيياعا ەنگٸزٸلەتٸن ٶزگەرٸستەر مەن تولىقتىرۋلاردىڭ جوباسى رەسپۋبليكالىق رەفەرەندۋمعا شىعارىلمايدى. بۇل جاعدايدا پارلامەنت شەشٸمٸ كونستيتۋتسييانىڭ الدىندا ايتىلعان 53-شٸ بابتىڭ تالاپتارىنا سەيكەس قابىلدانادى.
استانانىڭ اتاۋىن ٶزگەرتۋگە قاتىستى كونستيتۋتسيياعا ەنگٸزٸلەتٸن تٷزەتۋلەر وسى اتالعان پروتسەدۋراعا ساي جٷزەگە اسىرىلدى. ياعني, ول قر كونستيتۋتسيياسىنىڭ تالاپتارىنا تولىقتاي ساي.
