Parlament Májilisindegi Úkimet saǵatynda QR Mádeniet jáne sport ministri Arystanbek Muhamediuly Astananyń 20 jyldyǵy mereitoiyn atap ótý josparyn baiandady, dep habarlaidy "Ult aqparat".
«Búginde ministrlik Astananyń 20 jyldyǵy mereitoiyna belsendi túrde daiyndalyp jatyr. Osy oraida «Astanalar sherýi. Astananyń 20 jyldyǵy jáne álemniń 20 astanasy» ataýymen aýqymdy mádeni jobany júzege asyrý qarastyrylǵan. Onyń aiasynda jyl boiy aldyńǵy qatarly óner ujymdarynyń kórmeleri, kontsertteri, festivalderi uiymdastyrylady», - dedi ministr.
Onyń sózine qaraǵanda, reseilik «ORT» telearnasymen birlese «Astana - meniń baqytym» atty serial kórsetiledi. Onyń premerasy Elorda kúnin merekeleý kezinde ótedi.
Munymen qosa, Vena opera teatrynyń, Mariin teatrynyń, Niý-Iork teatrynyń, sondai-aq ózge de óner ujymdarynyń gastroldik saparlary josparlanǵan. Budan bólek, Tretiakov galereiasynyń, Frantsiia mýzeiiniń, Britan mýzeii qory men basqa da álemdik mýzeiler tarapynan kórmeler toptamasy qarastyrylǵan.
Vedomstvo basshysynyń aitýynsha, negizgi sharalar belsendi demeýshilik qoldaý esebinen uiymdastyrylady. Jalpy, Astana mereitoiy kún tártibi eleýli mýltiplikativti áser qalyptastyrady dep kútilýde. Bul rette álem qoǵamdastyǵynyń nazary Qazaqstan elordasyna aýdarylmaq. Munymen qosa, osy baǵytta iske asyrylatyn sharalar shaǵyn jáne orta biznesti damytýǵa, ishki ári syrtqy týristik saparlardyń artýyna yqpal etpek.
