QR MSM Mádeniet jáne óner isteri departamentiniń direktory Almaz Nurazhan elordanyń 20 jyldyǵyna orai daiyndalyp jatqan mádeni-sporttyq is-sharalar týraly baiandady, dep habarlaidy Sputnik Qazaqstan tilshisi.
Astananyń 20 jyldyǵy tek respýblikalyq qana emes, halyqaralyq deńgeidegi aitýly oqiǵa bolmaq. Ministrlik ókiliniń aitýynsha, mereitoidy daiyndaý jáne ótkizý maqsatynda úkimet qaýlysymen barlyǵy 175 shara qamtylǵan.
"Onyń ishinde uiymdastyrý jáne daiyndyq sharalary – 7, qoǵamdyq mańyzdy, ǵylymi jáne praktikalyq – 67, mádeni jáne buqaralyq – 65, sporttyq – 18, aqparattyq-imidjdik –18. Olardyń ishinde 44-i halyqaralyq, 91-i respýblikalyq, 15-i óńirlik deńgeide ótedi. Jalpy respýblikalyq josparǵa qosymsha óńirlik jospar da júzege asyp jatyr. Onyń ishinde 1800-den astam shara ótkizý kózdelip otyr", — dedi Nurazhan.
Onyń aqparatynsha, elorda mereitoiy aiasynda maýsymnan qyrkúiekke deiin "Etnoaýyl" ulttyq mádeni kesheni jumysyn bastaidy. Onda "Alpamys", "Shkola trapetsii" atty teatr-tsirk shoýy uiymdastyrylady. "Astanalar sherýi" aýqymdy halyqaralyq jobasyna tanymal ártister men 20 eldiń belgili sportshylary (Parij, Berlin, London, Máskeý, Singapýr, Beijiń) qatysady.
Sondai-aq, Qazaqstanda alǵash ret "AstanaMusical" teatry Rikardo Kochchante jáne Liýk Plamondonommen birlesip ańyzǵa ainalǵan frantsýz-kanadalyq "NotreDamedeParis" mýzykalyq shyǵarmasyn qoiady.
Elordanyń mereili merekesine orai halyqaralyq simfoniialyq orkestrdiń oryndaýymen qazirgi zamannyń uly kompozitory Karl Djenkinstiń "ShineAstana" ("Jarqyraǵan Astana") oratoriiasynyń premerasy ótedi.
Álemdik jáne dástúrli dinder kóshbasshylarynyń sezi aiasynda tuńǵysh ret "Astana – beibitshilik daýysy" halyqaralyq festivali uiymdastyrylmaq. Onda bes qurlyqtyń 500 hor ártisi men tanymal álemdik solister óner kórsetedi. Sondai-aq, qazirgi zamanǵy etnikalyq mýzyka men bidiń "The Spirit of the Dance", kóshpeli mádeniettiń "Nomad Way", ázil-syqaq janrdaǵy "Astana Azil Stars Fest" jáne "Baýrjan Fest" halyqaralyq fesivalderi, "Astana 2018 – Eýraziia oqý korpýsy" festivali, Dúniejúzilik oqý kongresi, "Astanadaǵy 20 álemdik kitaphananyń" derekti kitaptary men sirek qorlarynyń kórmesi, balalar jazýshylarynyń forýmy ótedi.
Alǵash ret Open Air formatynda Muqan Tólebaevtyń "Birjan – Sara" ulttyq operasynyń qoiylymy josparlanǵan. "Qozy Kórpesh – Baian Sulý" baletiniń, "Sevilskii tsiriýlnik", "Evgenii Onegin" operalarynyń premerasy ótedi dep kútilýde.
Álemdik aýqymdaǵy taǵy bir mańyzdy joba – halyqaralyq sáýletshiler kongresi. Kongress aiasynda konferentsiialar, sáýlet jáne dizain salasyndaǵy jańa tehnologiialyq ónertabystar kórmesin, stýdentter men jas sáýletshilerge arnalǵan sheberlik saǵatyn ótkizý josparlanyp otyr.
Sonymen qatar, sportsúier qaýym úshin de jaǵymdy jańalyqtar bar. Máselen, álemniń 60 elinen sportshy qatysatyn "Álem barysy", "Uly dala rýhy", "Uly dala alamany", qazaq kúresinen "Qazaqstan barysy" respýblikalyq týrnirin, sondai-aq birqatar halyqaralyq jarys ótkizý kózdelgen.
