Astanada zeinetker alaiaqtardyń arbaýyna túsip, shamamen 18 mln teńgesinen aiyrylǵan, dep habarlaidy ult.kz.
Politsiia málimetinshe, oǵan aldymen ózin «Qazaqtelekom» qyzmetkeri retinde tanystyrǵan adam habarlasyp, jeńildik rásimdeý syltaýymen jeke derekterin alǵan. Keiin qaskóiler ózderin UQK jáne Ulttyq bank qyzmetkerleri retinde tanystyryp, áieldiń atyna nesie rásimdelip jatqanyn aitqan.
Alaiaqtar onyń aqshany «qaýipsiz shotqa» aýdarýyn talap etken. Zeinetker altyn buiymdaryn lombardqa ótkizip, sheteldik shottarǵa 3 mln teńgeden astam qarjy aýdarǵan.
Onymen shektelmei, alaiaqtardyń nusqaýymen basqa qalaǵa baryp, taǵy bir zeinetkerden shamamen 15 mln teńge alyp, qylmyskerlerge bergen.
Jedel-izdestirý sharalary barysynda shemaǵa qatysy bar 42 jastaǵy shetel azamaty ustaldy. Tergeý jalǵasyp jatyr.
Politsiia beitanys adamdardyń nusqaýymen aqsha aýdarmaýǵa jáne baǵaly zattardy lombardqa tapsyrmaýǵa shaqyrdy.
