Astanalyqtar respýblikanyń basqa turǵyndaryna qaraǵanda ortasha eseppen 75 myń teńgege kóp jalaqy alady, dep habarlady "Ult aqparat" elorda.info saityna silteme jasap.
Ekonomikanyń turaqty damýy turǵyndar tabysynyń 9,4 paiyzǵa ósýine septigin tigizdi. 2018 jyldyń qańtar-maýsym ailarynda ortasha ailyq jalaqy mólsheri 232,5 myń teńgeni quraǵan. Bul týraly qalalyq qoǵamdyq tyńdaýlar barysynda elordanyń 2019-2021 jyldarǵa arnalǵan biýdjetin qarastyrý kezinde Astana qalasy Strategiialyq jáne biýdjettik josparlaý basqarmasynyń basshysy Rasýl Orazǵulov habarlady.
Aita keteiik, Qazaqstan boiynsha ortasha ailyq jalaqy - 151,1 myń teńge.
2018 jyldyń II toqsanynda jumyssyzdyq deńgeii 4,5 paiyzdy quraǵan. Bul byltyrǵy jyldyń deńgeiimen birdei bolyp otyr. Al Qazaqstan boiynsha bul kórsetkish 4,9 paiyzdy qurady. Aǵymdaǵy kezeńde 18 607 jańa jumys orny quryldy, sonyń ishinde shaǵyn jáne orta bizneste 14 082 jańa vakansiia paida boldy.
