Áleýmettik jelide Astana kommýnaldyq qyzmetteri jol jiegindegi qardy tazalap júrgeni túsirilgen video tarap jatyr. Bul rette elorda turǵyndary mán-jaidy túsinbegen, sebebi qar kórinbeidi, - dep habarlaidy Tengrinews.kz saity.
Beinejazbaǵa qatysty túrli pikir jazylǵan. Kadrlardan qalalyq kommýnaldyq qyzmetterdiń jol jiegin tazalap jatqanyn kórýge bolady.
"Shredinger qary", "Qarashanyń aiaǵynda Astanada qar joq, senesiz be? Kommýnaldyq qyzmet te senbeidi", "Tazalaǵany unamaidy, tazalamasa da unamaidy. Sizderge jaqpaisyń", - dep jazǵan pikir bildirýshiler.
Astanada ótken aptada kópten kútken qar jaýǵan, biraq erip ketken. Qala turǵyndarynyń aitýynsha, tazartatyn eshteńe joq.
Alaida Almaty aýdany ákimdigi bergen málimet boiynsha, beinejazbada shyn máninde qar tazalanǵan.
"Jaýǵan qarǵa bailanysty "Astana Tazalyq" JShS jol jiekterindegi qardy shyǵarý jumystaryn júrgizdi. Jedel tazalaý maqsatynda qardy keiinnen poligonǵa shyǵarý jumystar júrgizildi", - dep túsindirdi aýdan ákimdiginiń baspasóz qyzmeti.
Videoda qar is júzinde kórinbeitin bolsa, Almaty aýdany ákimdigi usynǵan fotosýrette jol jieginde qardy kórýge bolady.
