Elorda turǵyndary sábilerine eń jii qoiatyn esimder belgili boldy, dep habarlaidy "Ult aqparat".
Nur-Sultan ákimdiginiń saitynda jariialanǵan aqparatqa sáikes, biyl dúniege kelgen ul balalarǵa eń kóp qoiylǵan esim – Ramazan (97). Odan keiingi oryndarda Ámir (95), Álihan (87), Alan (73) jáne Áli (72) esimderi tur.
Statistikalyq málimetter Omar, Makar, Ámire, Miron, Timofei, Demid, Ibragim siiaqty esimder qaita tanymal bola bastaǵanyn kórsetedi. Jańa týǵan er balalar arasynda kezdesetin erekshe esimder: Inaiat, Ramis, Dalen, Daler, Adriel Archi, Azarii, Arbi.
Al qyz balalar arasynda biyl Medina (150) esimi kóp berilgen. Top 5-te sondai-aq, Ailin (149), Aiala (114), Aisha (113) jáne Amina (105) esimderi bar. Sirek kezdesetin esimder: Alisha, Arýnaz, Safina, Hanifa, Evelina, Aishabibi, Imona, Avrora, Teia, Iassaýina.
Aita keteiike, Nur-Sultan qalasynda 2020 jyldyń sońǵy alty aiynda 14 123 bala dúniege keldi.
Qalalyq qoǵamdyq densaýlyq saqtaý basqarmasy basshysynyń ana men bala densaýlyǵyn qorǵaý jónindegi orynbasarynyń mindetin atqarýshy Tatiana Bishoraevanyń aitýynsha, elordada egizder men úshemder sany artqany baiqalady. Elorda perzenthanalarynda 93 egiz (ótken jyly – 77) jáne úsh úshem (byltyr – 1) týǵan.
Kún saiyn elordada 60-110 bala dúniege keledi.
