Nur-Sultanǵa jeke sektor turǵyndary úshin kómirdiń jetkilikti kólemi jetkizildi, dep habarlaidy "Ult aqparat".
Qalalyq ákimdiktiń málimetinshe, qatty otynnyń qazirgi jalpy qory - 10 570 tonna.
«Elordaǵa 1 maýsym men 5 qazan aralyǵynda 1962 vagon, iaǵni 136 561 tonna kómir keldi. Onyń ishinde qyrkúiek aiynda – 44 vagon nemese 2967 tonna «Maikúbi» kómiri, 6 vagon nemese 414 tonna «Qarajyra» kómiri» dep habarlady elordanyń otyn-energetika kesheni jáne kommýnaldyq sharýashylyq basqarmasy.
Elordalyqtar qatty otyndy 11 núkteden ala alady, olar myna mekenjailarda ornalasqan: Gertsen, 4/1, 40-st.; Gertsen, 6 B; Kóktal, 28/1; Jubanov, 35; Liteinaia, 44; Dýlatov, 182/1, Tsentr beton; Jabaev, 68; Maqat, 40.
Ortasha baǵa - kómir sortyna jáne jetkizý qyzmetin qospaǵanda 9500 teńgeden 13000 teńgege deiin. Sonymen, bir tonna «Shubarkól» kómiri 12750 teńgeden, «Qarajyra» – 12700, «Maikúbi» – 13000, «Bogatyr» – 9500 teńgeden satylyp jatyr.
Qatty otyn baǵasy, túrleri men mólsheri týraly tolyq aqparatty 109 senim telefony arqyly alýǵa bolady.
Otyn aldyn ala satyp alynyp, qarańǵy jáne qurǵaq jerde saqtalsa, qasietin joǵaltpaidy. Basqarmanyń málimetinshe, qysta elordada orta eseppen 500 myń tonna kómir tutynylady.
Esterińizge sala keteiik, elordalyq tótenshe jaǵdailar departamenti jeke sektor turǵyndaryn jylytý peshterin paidalaný kezinde qaýipsizdik tehnikasyn saqtaýǵa shaqyrady. Memlekettik organ kelesi erejelerdi saqtaýdy usynady:
- peshti 50h70 sm ólshemdi metall tósegishpen jabdyqtaý qajet;
- peshtiń janǵysh qurylymdardan órtke qarsy qashyqtyǵy keminde 26 sm bolýy kerek;
- tútin qubyrynyń ishki betinen qorǵalmaǵan janǵysh qurylystarǵa deiingi ara qashyqtyq 50 sm-den, al qorǵalǵan janǵysh qurylystarǵa deiin ara qashyqtyq 38 sm-den kem bolmaýy tiis;
- peshtiń qatty qyzýyna jol bermeý, peshterde jáne olarǵa jaqyn jerde otyn, kiim jáne basqa da janǵysh materialdardy qurǵatpaý;
- pesh jaǵý úshin janǵysh suiyqtyqtardy paidalanýǵa, janyp jatqan peshti qaraýsyz qaldyrýǵa, sondai-aq olardy qadaǵalaýdy jas balalarǵa tapsyrýǵa;
- quramynda qyzǵan jáne byqsyǵan materialdar bar kúl men qoj ottyqtan shyǵarylǵannan keiin órttiń paida bolý múmkindigin boldyrmaityn jáne sýmen tógilmeitin arnaiy bólingen orynǵa shyǵarylýy tiis.
Aita ketý kerek, qalany gazdandyrý jumystary jalǵasýda. Turǵyn alaptarda úilerdi gazben jabdyqtaý jelilerine qosý úshin tegin tehnikalyq sharttar alýǵa front-ofister ashyldy.
Osy jylytý maýsymda Jeleznodorojnyi, Promyshlennyi, Kóktal-2, Kóktal-1, Agroqalashyq (ishinara) turǵyn aýdandaryndaǵy úiler gazben jylyta alady.
Sondai-aq biyl JEO-1 jáne JEO-2 qazandyqtarynyń bir bóligin gazǵa aýystyrý josparlanyp otyr.
