Elordanyń monitoringilik toptary kásipkerler arasynda karantin talaptaryn qasaqana buzýshylardy anyqtaýda. Qalada karantinniń kúsheitilgenine qaramastan, ótken táýlikte birden eki toi ótkizilip, oǵan 100 adam qatysty, dep habarlaidy "Ult aqparat".
Qala ákimdiginen málim etkendei, 27 maýsym kúni karantin rejimin buzǵan 5 mekeme anyqtaldy. Esil aýdanynda ornalasqan «Portofino» meiramhanasynda 100 adamǵa arnalǵan toi ótken. Mekemede qalalyq sanitarlyq dárigerdiń qaýlysynda kórsetilgen shekteý sharalary saqtalmaǵan.
Al Almaty aýdanyndaǵy «Baq sarai» meiramhanasynda 100 adam qatysqan shara ótti. Sol siiaqty «Esh, pei» barynda da áleýmettik araqashyqtyq buzylǵan.
Karantin rejimin buzǵany úshin Baiqońyr aýdanyndaǵy «Mýstang» kafesi men Saryarqa aýdanyndaǵy «Panaehali» barynyń qyzmetkerleri betperde kimegeni úshin ákimshilik jaýapkershilikke tartyldy.
Tártip buzýshylarǵa qatysty jinalǵan materialdar tiisti sharalar qoldaný úshin aýdandyq sanitarlyq-epidemiologiialyq baqylaý basqarmalaryna jiberildi.
«Esterińizge sala keteiik, epidemiologiialyq ahýalǵa bailanysty elorda áli de «qyzyl» aimaqta. Buǵan qosa naýqastar arasynda tez taralyp, immýnitetti álsiretetin koronavirýstyń «Delta» shtamy anyqtaldy. Qazirgi jaǵdaiǵa bailanysty elorda turǵyndary men qonaqtary, sondai-aq kásipkerler dárigerlerdiń nusqaýlary men sanitarlyq normalardyń bárin qatań túrde saqtaýy tiis», - dedi ákimdikten.
