Foto: foodcity.ru
Astana turǵyndary áleýmettik jelide dárihanalarda negizgi virýsqa qarsy preparattardyń joqtyǵyna jappai shaǵym túsirip jatyr, dep habarlaidy Ult.kz NewTimes portalyna silteme jasap.
Qala turǵyndarynyń aitýynsha, "Flývir" jáne "Oseltamivir" siiaqty suranysy joǵary dárilerdi erkin satylymnan tabý is júzinde múmkin emes. Dáriler bar degen az ǵana dárihanalarda olar aitarlyqtai qymbat baǵamen usynylyp jatyr deidi paidalanýshylar.
Paidalanýshylardyń sózinshe, buryn 3 myń teńge shamasynda satylǵan virýsqa qarsy dáriler qazir 6 myń teńgege jýyqtaǵan. Keibireýler dáriniń baǵasy úsh esege deiin kóterilgen mysaldardy keltiredi.
Astanalyqtar qajetti preparattardyń bar-joǵyn I-teka servisi arqyly baqylap otyrǵandaryn aitady, alaida onda da kóbine "joq" dep kórsetiledi. Keibir dárihanalarda bul preparattar tek retseptpen ǵana beriledi.
Basylym elordadaǵy birneshe dárihana jelisine habarlasty. Bárinde de dáriler "jolda" ekeni jáne jaqyn arada jetkizilim kútiletini aityldy. Alaida naqty qashan satylymǵa shyǵatynyn farmatsevter aita almady.
Oqyrmandardyń sózinshe, olar qajetti virýsqa qarsy dárilerdi Qaraǵandy men Petropavldan jetkizip alady. Alaida ol jaqtan da bul dárilerge suranystyń artqany týraly habarlar kelip jatyr. Bul tapshylyq joǵary temperatýramen ótetin aýrý jaǵdailarynyń kóbeiýimen tuspa-tus kelip otyr.
Foto: Áleýmettik jeliden
Eske salaiyq, buǵan deiin densaýlyq saqtaý ministrligi qazaqstandyqtar arasynda JRVI-diń jii taralýy jańa virýsqa bailanysty emes ekenin málimdedi. Vitse-ministr Timýr Muratovtyń aitýynsha, kúz tumaý órshitin maýsym, sondyqtan qazirgi jaǵdai qalypty. Sanitarlyq epidemiialyq baqylaý komiteti de ainalymdaǵy virýstar burynnan belgili shtammdar ekenin, "gonkongtyq virýs" ta jańalyq emes ekenin atap ótti. Epidemiialyq maýsym qyrkúiekten sáýirge deiin jalǵasady.
