Elorda politseileri arnaiy operatsiia barysynda iri kólemde esirtki saqtaýshyny ustady, dep habarlaidy QazAqparat Nur-Sultan qalalyq politsiia departamentiniń baspasóz qyzmetine silteme jasap.
«Arnaiy jedel operatsiia barysynda elorda aýmaǵynda asa iri mólsherde esirtki zattaryn ótkizýdiń arnasy joiyldy. Michýrino kentindegi jer úidegi kómir saqtaý qoimasyn tintý kezinde 42 keliden astam «marihýana» esirtkisi salynǵan 4 qap tabyldy. 53 jastaǵy úi iesi tabylǵan esirtkige qatysynyń joqtyǵyn aitty. Jeke tintý kezinde onyń janynan «gashish» esirtkisi tabyldy. Sondai-aq, úiretilgen ittiń kómegimen, 234 gramm «gashish» esirtkisi zaty bar 35 túiinshek tabyldy», - delingen habarlamada.
Resmi aqparatta aitylǵandai, jedel operatsiia nátijesinde tárkilengen esirtkiniń jalpy salmaǵy 42,5 kelini qurady. Ol 8500 dozany quraidy jáne onyń qara naryqtaǵy quny 25 mln teńge.
«Qazirgi ýaqytta QR QK 297-baby 3-bóligi boiynsha sotqa deiingi tergeý júrip jatyr. Kúdikti ýaqytsha ustaý izoliatoryna qamaldy. Elorda aýmaǵynda esirtki jetkizýge jáne ótkizýge qatysy bar basqa kúdiktiler anyqtalý ústinde», - deidi vedomstvodan.
Osy oraida qalalyq politsiia departamenti esirtki satý, qoldaný, taratýǵa qatysty jaittar týraly anonimdi senim telefondaryna habarlaýǵa bolatynyn habarlaidy.
Bailanys telefony kúndiz 71-63-93, táýlik boiy 32-22 -22 nemese 102.
