Foto: top-news.kz
Astanada politsiia qyzmetkerleri kópqabatty úi turǵynyn ajaldan arashalap qaldy, dep habarlaidy Ult.kz Polisia.kz-ke silteme jasap.
Tańerteń «102» nómirine elordanyń bir turǵyn úi kesheninde qyzdyń biiktikten sekirmek bolǵany týraly habarlama túsken. Qaýiptiń joǵary deńgeiin eskergen patrýldik politsiia polki qyzmetkerleri oqiǵa ornyna dereý jetip, jaǵdaidy baqylaýǵa alyp, azamatshanyń ómirin saqtap qalý úshin jedel sharalar qoldanǵan.
Alǵash bolyp oqiǵa ornyna inspektorlar Jalǵasbek Ábdýaliev pen Abzal Moldashev kelgen. Páterdiń esigi ashylǵan sátte olar terezeniń besinshi qabatyndaǵy karnizge shyǵyp, qatty eńkeiip turǵan 27 jastaǵy qyzdy baiqaǵan. Taǵy birneshe sekýnd keshikse, qyz tómen qulap ketýi múmkin edi.
Jaǵdaidy durys baǵalaǵan politsiia qyzmetkeri Jalǵasbek Ábdýaliev qyzben dereý psihologiialyq bailanys ornatqan. Ol sabyrly únmen sóilep, onyń oiyn basqa jaqqa burýǵa jáne kúizelisin tómendetýge tyrysqan. Qolaily sát týǵan kezde tártip saqshysy qyzdy qaýipsiz jerge tez ári abailap tartqan, osylaisha qaiǵyly jaǵdaidyń aldyn alǵan.
Qazir azamatshaǵa psihologtar kómek kórsetip jatyr. Oqiǵanyń mán-jaiy anyqtalýda.
