Astana qalasynyń politsiiasyna Germaniia azamatynan aryz tústi. Shaǵymǵa sáikes, ony áýejaidan qonaq úige deiin aparǵany úshin "deldal" 16 myń teńge alǵan, dep xabarlaidy QazAqparat tilshisi qalalyq ishki ister departamentine silteme jasap.
Tártip saqshylary sheteldik azamatty aparǵan taksi júrgizýshisin ustady. Onyń aitýynsha, áýejaida týristpen birge er adam boldy. Ol Sátpaev kóshesinde qonaq úige deiin jetip, sol jerde taksi qyzmetine 3000 teńgeni tólep ketken. Al sheteldik azamat "deldaldyń" ózinen 16 myń teńgeni sypyryp alǵanyn jetkizdi. Qonaq úide ol áýejaidan 4000 myń teńgege kelýge bolatynyn bilgennen keiin politsiiaǵa aryz túsirgen.
"Qazirgi kezde sotqa deiingi tergeý amaldary júrgizilýde. Áýejaida sheteldik azamatty taksige jolyqtyrǵan er adamnyń kim ekeni anyqtalyp jatyr", - delingen baspasóz baiaynda.
Aita keteiik, buǵan deiin bir taksi júrgizýshisi Astanaǵa kelgen týristti qonaq úige aparǵany úshin 40 myń teńge alǵan. Sol úshin jumystan qýyldy. Artynan ol aqshany sheteldik azamatqa qaitaryp berdi.
