EKSPO-2017 halyqaralyq mamandandyrylǵan kórmesiniń resmi ashylý saltanatty sharasyna qatysý úshin elordaǵa Ispaniia koroli Filipp VI keldi, dep habarlaidy QazAqparat.
Aita keterligi, búgin keshkisin ótetin halyqaralyq mamandandyrylǵan kórmeniń saltanatty ashylý rásimine 17 eldiń memleket jáne úkimet basshylary qatysatyn bolady.
«Shanhai yntymaqtastyq uiymy otyrysy aiaqtalǵannan keiin EKSPO-nyń saltanatty ashylýy bolady. Biz ashylý saltanatyna 17 eldiń memleket jáne úkimet basshylaryn kútip otyrmyz. Munan bólek, qatysýshy elderdiń atynan zańnamalyq organdardyń ókilderi, ministrleri qatysatyn bolady. Qazirgi ýaqytta bizde osyndai naqtylanǵan málimet bar», - degen edi elimizdiń Syrtqy ister ministri Qairat Ábdirahmanov.
Qazirgi ýaqytqa deiin Astanaǵa Serbiia Prezidenti Aleksandr Výchich, Liýksembýrg Uly Gertsogtiginiń Premer-Ministri Ksave Bettel kelgen edi. Buǵan deiin habarlaǵanymyzdai, elordaǵa Shanhai yntymaqtastyq uiymy sammitine qatysý úshin Aýǵanstan Prezidenti Ashraf Gani Ahmadzai, Mońǵoliia Prezidenti Tsahiagiin Elbegdorj, QHR Tóraǵasy Si Tszinpin, Ózbekstan Prezidenti Shavkat Mirzieev, Pákistan Prezidenti Mamnýn Hýsein, Resei Prezidenti Vladimir Pýtin, Tájikstan Prezidenti Emomali Rahmon, Belarýs Prezidenti Aleksandr Lýkashenko, Qyrǵyzstan Prezidenti Almazbek Atambaev keldi.
ShYU sammiti barysynda Pákistan men Úndistan atalǵan uiymǵa múshelikke qabyldanady dep kútilýde. Osylaisha, ShYU jer turǵyndarynyń 40 paiyzyn, álem ekonomikasynyń shamamen úshten birin qamtityn bolady. Búginde uiymǵa Resei, Qytai, Qazaqstan, Qyrǵyzstan, Tájikstan jáne Ózbekstan elderi múshe. Qazirgi ýaqytta ShYU tóraǵasy - Qazaqstan. Búgingi sammit barysynda tóraǵalyq Qytai tarapyna ótedi.
