Elordadaǵy saýda núkteleriniń qoimalarynda 1 aiǵa tolyq jetetin azyq-túlik bar. Bul týraly Nur-Sultan qalasynyń ákimi Altai Kólginov aitty, dep habarlaidy QazAqparat.
«Qazirgi ýaqytta qaladaǵy saýda jelileriniń qoimalarynda 47 myń tonna áleýmettik mańyzdy azyq-túlik bar. Bul qazirgi ailyq normany tolyqtai jabady. Ailyq norma - 38 myń tonna. Ol qoimalardy azyq-túlik taýarlarymen qosymsha tolyqtyramyz. Keshe elordaǵa 400 myńǵa jýyq maska jetkizildi. Aldaǵy ýaqytta taǵy 1 mln maskaǵa, antiseptikterge tapsyrys berildi. Qajet bolǵan jaǵdaida apta ishinde jetkiziledi», - dedi qala basshysy.
Onyń atap ótýinshe, PIK-terge úilerdiń kire beristerin, esik tutqalaryn, baspaldaq jaqtaýlaryn, liftilerdi kúnine eki márte zararsyzdandyrý týraly tapsyrma berilgen.
«Barlyq kommýnaldyq qyzmetter kúsheitilgen jumys rejimine aýystyryldy jáne gigienalyq zattarmen qamtamasyz etildi», - dedi Altai Kólginov.
Aita keteiik, 19 naýryzdan bastap Nur-Sultan men Almaty qalalarynda karantin engiziledi.
