Parlament Májilisiniń jalpy otyrysynda QR Mádeniet jəne sport ministri Arystanbek Muhamediuly «Astanafilm» jańa kinostýdiiasy qurylatynyn málim etti, dep habarlaidy QazAqparat.
«Astanafilm» kinostýdiiasyn qurýǵa qatysty Memleket basshysynyń tiisti tapsyrmasy bar. Qazirgi kezde tehnikalyq-ekonomikalyq negizdemeni ázirleýmen ainalysyp jatyrmyz. Bizge osyndai kinostýdiiany qurý qajettiligi baiqalyp otyr. Máselen, Vengriia, Chehiia sekildi aýmaǵy jaǵynan shaǵyn elderdiń ózinde birneshe resmi kinostýdiialar bar», - dedi ministr.
Onyń sózine qaraǵanda, Qazaqstandaǵy kinoindýstriiada qarqyndy damý protsesi júrip jatyr, sondyqtan aldaǵy ýaqytta «Qazaqfilm» aýqymdy jumystardy igere almaýy múmkin.
«Meniń oiymsha, jańa stýdiia EKSPO-qalashyq mańynda ornalasady. Qazirgi kezde sáýlet máselesi mańyzdy bolyp tur. Sebebi álemdik kinostýdiialarǵa týrister kóptep baratyny belgili. Iaǵni kinoóndiris biznespen qatar júrgizilýi tiis. Eger de biyl jobalyq-smetalyq qujattamany aiaqtasaq, onda aldaǵy jyly qurylystyń bastalýyna ótinim jibere alamyz», - dedi Arystanbek Muhamediuly tilshilerdiń suraǵyna jaýap bere otyryp.f
