"Antimonopoliialyq organ «Astanaenergosbyt» JShS-ǵa zańnamany buzǵany úshin 3 million teńge aiyppul saldy", - dep habarlaidy "Ult aqparat" mekemeniń baspasóz qyzmetine silteme jasap.
«Astanaenergosbyt» JShS «Tabiǵi monopoliialar jáne retteletin naryqtar týraly» QR Zańynyń 5-baby, 1-bólimi, 5-tarmaqshasynda kórsetilgen (tabiǵi monopoliialar sýbektisiniń retteletin qyzmetterine (taýarlarǵa, jumystarǵa) qoljetimdilik jaǵdailaryn mindetteý nemese tutynýshylardy kemsitýshilikke ákep soǵatyn ózge de áreketter) quqyqbuzýshylyq faktisi anyqtaldy», - delingen QR Tabiǵi monopoliialardy retteý jáne básekelestikti qorǵaý komitetiniń habarlamasynda. Osyǵan bailanysty «Astanaenergosbyt» JShS-ǵa QR ÁQBK 164-baby, 4-bólimi boiynsha ákimshilik jaýapkershilikke tartý týraly hattama toltyryldy.
Komitet departamenti seriktestiktiń ótinishine sáikes, QR ÁQBK 24-baby boiynsha ákimshilik quqyqbuzýshylyq týraly isti mamandandyrylǵan aýdanaralyq ákimshilik sottyń qaraýyna jiberdi. Mamandandyrylǵan aýdanaralyq ákimshilik sottyń qaýlysymen 1600 AEK aiyppul túrinde ákimshilik jaza taǵaiyndaldy, iaǵni memleket paidasyna 3 393 600 teńge óndiriledi.
