«Astanaenergosbyt» JShS ákimshilik jaýapkershilikke tartyldy, dep habarlaidy "Ult aqparat" Tabiǵi monopoliialardy retteý komitetiniń baspasóz qyzmetine silteme jasap.
Elorda turǵyndary men kásipkerlik sýbektileriniń ótinishi boiynsha, Tabiǵi monopoliialardy retteý komitetiniń Nur-Sultan qalasy boiynsha departamenti «Astanaenergosbyt» JShS-na qatysty tabiǵi monopoliialar salasyndaǵy zańnamasynyń talaptaryn saqtalý turǵysynan jospardan tys tekserý júrgizdi.
Tekserý barysynda, «Astanaenergosbyt» JShS-nyń «jeke tulǵalar» sanaty boiynsha jańadan engizilgen turǵyn úiler boiynsha jylý energiiasynyń kólemin qabyldamaityny anyqtaldy, osylaisha qurylys salýshy obektilerdi tapsyrǵan kezde jeke tulǵalarǵa jylýmen jabdyqtaýǵa jeke shot ashýdan bas tartady.
«Obektiniń menshik iesi aýysqan jaǵdaida, qurylys salýshy «Astanaenergosbyt» JShS-men energiiamen jabdyqtaý shartyn buzǵan kezde jáne jańa menshik ielerine jeke shottar ashpai, bul obekt kelisimshartsyz sanatqa ótedi.
Sonymen qatar, «Astanaenergosbyt» kompaniiasy 25-shi kóshe 9-úi, A. Hrapatyi kóshesi 14, Dostyq 1/2, E67 kóshesi 6-úi, Qabanbai batyr 49, Qarasai batyr 22/A, 22/B, Qazybek bi 11A, Q. Muhamedhanov 1/1, Q. Muhamedhanov 1/2. Q. Muhamedhanov 20, q. Muhamedhanov 20/1, q. Muhamedhanov 20/2, Q. Muhamedhanov 20/2, Kerei, Jánibek handar 50, Máńgilik el dańǵyly 45, 58, Turan dańǵyly 58-úi jáne jalpy 1 191 páter boiynsha jalpy 3027,72 Gkal kóleminde jylý energiiasy qabyldamaǵan jáne shart jasasýdan bas tartqan», delingen habarlamada.
«Astanaenergosbyt» kompaniiasy jylý energiiasymen jabdyqtaý salasyndaǵy tabiǵi monopoliia sýbektisi bola otyryp, jeke tulǵalarǵa jeke shot ashýdan jáne jylý energiiasynyń kólemin qabyldaýdan bas tartý arqyly tutynýshylar úshin jylýmen jabdyqtaý qyzmetine qol jetkizýdiń teń emes jaǵdaiyn jasaǵan.
«Joǵaryda atalǵan áreketpen «Astanaenergosbyt» JShS «Tabiǵi monopoliialar týraly» Zańynyń 26-baby 2-tarmaǵynyń 5), 8) tarmaqshalaryn buzdy, oǵan sáikes tabiǵi monopoliia sýbektisi tutynýshylarǵa rettelip kórsetiletin qyzmetke qoljetimdiliktiń teń jaǵdailaryn usynýǵa, usynylatyn rettelip kórsetiletin qyzmetterdiń árbir túrine tutynýshylarmen jeke sharttar jasasýǵa mindetti.
Jospardan tys tekserý qorytyndysy boiynsha «Astanaenergosbyt» JShS- Ákimshilik quqyq buzýshylyq týraly kodeksiniń 164-babynyń 4-bóligi boiynsha ákimshilik jaýapkershilikke tartylyp, oǵan 4 667 200 teńge kóleminde aiyppul salyndy», delingen habarlamada.
Sonymen qatar, kompaniiaǵa joǵaryda kórsetilgen turǵyn úiler boiynsha jeke tulǵalarmen on kún ishinde shart jasasý týraly oryndalýy mindetti nusqama berildi.
