Foto: pexels.com
Elordadaǵy túngi klýbtardyń birinde mefedron satylǵan, dep habarlaidy "Ult aqparat" Polisia.kz Telegram-arnasyna silteme jasap.
Kúdiktiniń jastar jii ýaqyt ótkizetin oiyn-saýyq mekemesinde jumys istegeni anyqtaldy. Ol turaqty tutynýshylary bar klýbta mefedron satýdy uiymdastyrǵan.
"Astana qalasy prokýratýrasynyń ókiminiń aiasynda jáne onyń kelisýimen Astana qalasy Esirtki qylmysyna qarsy is-qimyl basqarmasynyń qyzmetkerlerimen keshendi jedel-izdestirý is-sharalary barysynda 22 jastaǵy elorda turǵyny ustaldy. Jeke tintý barysynda jigittiń shulyǵynan asa iri mólsherdegi mefedron esirtki zaty tárkilendi" - delingen habarlamada.
Ol Astana qalasy PD-niń ÝUI-na qamalǵan.
Atalǵan faktige qatysty sotqa deiingi tergeý amaldary júrgizilip jatyr. Ol múlki tárkilenip, 6 jyldan 12 jylǵa deiin bas bostandyǵynan aiyrylýy múmkin.
