Astanadaǵy tergeý abaqtysynan qashyp ketken kúdikti Qaraǵandy oblysynda ustaldy. Bul týraly QR IIM qylmystyq atqarý júieleri komitetiniń baspasóz qyzmeti habarlady.
Er adam 26 aqpan kúni tún jarymynda Qaraǵandy oblysy Nura aýdanynyń Ahmet aýylynda ustalǵan.
"Qaraǵandy oblysy IID Nura aýdandyq ishki ister organdarynyń qyzmetkerleri qyraǵylyq tanytty. Olar izdeý sharalary kezinde "Jigýli" kóligin toqtatqan, tekseris kezinde Arǵymbaev jolaýshy retinde otyrǵany anyqtaldy", — dep túsindirdi baspasóz qyzmeti.
Arǵymbaev qarsylyq kórsetpegen, ol bas bostandyǵynan aiyrý ornyna qaita jetkiziledi.
36 jastaǵy Qaraǵandy oblysy Nura aýdany Kievka eldi mekeniniń turǵyny 25 aqpan kúni ǵimarattyń bir qabatty korpýsyna japsarlas ornalasqan serýendeý alańynan qashyp ketken. Buǵan deiin ol tonaý jáne urlyq jasaǵany úshin sottalǵan.
