- Astanada óńirlerdiń aýyl sharýashylyǵy jármeńkeleri ótip jatyr, dep habarlaidy QazAqparat.
Atap aitqanda, «Kongress-holl» jáne «Han shatyr» aldyndaǵy alańdarda qala turǵyndary Qaraǵandy men Shyǵys Qazaqstan oblystarynan jetkizilgen ónimder naryqtyq baǵadan 15-20 paiyzǵa arzanǵa saýdalanýda. Belgili bolǵandai, qalalyqtar kartop, piiaz, et, un, qant jáne shujyq ónimderin belsendi satyp alyp jatyr.
Jármeńkede iri qara mal etiniń baǵasy kelisine 1100 teńge, jylqy eti - 1250 teńge, qoi eti - 1050 teńge somasynda ótkizilýde. Al shujyq ónimderi de naryqtyq baǵadan tómen deńgeide satylýda. Sonymen qatar saýda oryndarynda Balqashtan arnaiy jetkizilgen balyq ónimderi de kópshilikke usynylyp otyr.
Osy rette jármeńke barysynda ónimderge qoiylǵan baǵanyń negizsiz joǵarylap ketpeýi erekshe nazarǵa alynǵan.
Qaraǵandy oblysynyń jármeńkesinde 840 tonna ónim ótkiziledi, 60 saýda orny jasaqtaldy. Shara barysynda oblystyq shyǵarmashylyq ujymdardyń qatysýymen merekelik kontsert jáne «Baýyrsaq, qymyz festivali» qaiyrymdylyq aktsiiasy uiymdastyrylady.
«Elordaǵa jetkizilgen ónimniń joǵary sapasyna 100 paiyz kepildik beremiz. Osynda taýarlar ortasha naryqtyq qunynan 15-20 paiyzǵa tómen bolady. Jármeńke eki kún ótedi. Sondyqtan qala turǵyndaryn saýda alańdaryna shaqyramyz»,- dedi Qaraǵandy oblysy ákiminiń aýyl sharýashylyq boiynsha orynbasary Shagýrashid Mamalinov.
Al «Han Shatyr» saýda oiyn saýyq ortalyǵynyń alańynda ótip jatqan Shyǵys Qazaqstan oblysynyń aýyl sharýashylyǵy jármeńkesinde de ónimder baǵasy qaladaǵy ortasha qunynan 15-20 paiyzǵa arzanyraq. Sonymen qatar osy óńirden jetkizilgen baldyń túrleri satyp alýshylar arasynda úlken suranysqa ie bolyp otyr.
Jármeńkede tabiǵi taza bal 900-den 1200 teńge somasynda satylýda. Elorda turǵyndarynyń kóptep kelýine bailanysty saǵat 12:00-ge qarai saýda ornyndaǵy sóreler bosap qaldy.
«Baldyń 70 paiyzy bizde ShQO-da óndiriledi. Osy rette bul tabiǵi ónim erekshe brendke ie. Sondyqtan jármeńke kezinde biz osy ónimge airyqsha ekpin qoiyp otyrmyz»,-ded ShQO Aýyl sharýashylyǵy basqarmasynyń basshysy Qonysbai Tóleýbekov.
Jalpy jármeńkege bul óńirden 400 tonnadan astam aýyl shýrashylyǵy ónimderi jetkizildi. Onyń ishinde jylqy eti - 42 tonna, qus eti -8 tonna, ósimdik maiy- 10 tonna, shujyq ónimderi - 7 tonna, bal- 30 tonna, kartop- 8 tonna, kókónis - 107 tonna kóleminde qamtyldy.
Aita keteiik, atalǵan eki oblystyń aýqymdy jármeńkeleri men mádeni sharalary Qazaqstan Táýelsizdiginiń 25 jyldyǵan arnalyp otyr.
