- استانادا ٶڭٸرلەردٸڭ اۋىل شارۋاشىلىعى جەرمەڭكەلەرٸ ٶتٸپ جاتىر, دەپ حابارلايدى قازاقپارات.
اتاپ ايتقاندا, «كونگرەسس-حولل» جەنە «حان شاتىر» الدىنداعى الاڭداردا قالا تۇرعىندارى قاراعاندى مەن شىعىس قازاقستان وبلىستارىنان جەتكٸزٸلگەن ٶنٸمدەر نارىقتىق باعادان 15-20 پايىزعا ارزانعا ساۋدالانۋدا. بەلگٸلٸ بولعانداي, قالالىقتار كارتوپ, پيياز, ەت, ۇن, قانت جەنە شۇجىق ٶنٸمدەرٸن بەلسەندٸ ساتىپ الىپ جاتىر.
جەرمەڭكەدە ٸرٸ قارا مال ەتٸنٸڭ باعاسى كەلٸسٸنە 1100 تەڭگە, جىلقى ەتٸ - 1250 تەڭگە, قوي ەتٸ - 1050 تەڭگە سوماسىندا ٶتكٸزٸلۋدە. ال شۇجىق ٶنٸمدەرٸ دە نارىقتىق باعادان تٶمەن دەڭگەيدە ساتىلۋدا. سونىمەن قاتار ساۋدا ورىندارىندا بالقاشتان ارنايى جەتكٸزٸلگەن بالىق ٶنٸمدەرٸ دە كٶپشٸلٸككە ۇسىنىلىپ وتىر.
وسى رەتتە جەرمەڭكە بارىسىندا ٶنٸمدەرگە قويىلعان باعانىڭ نەگٸزسٸز جوعارىلاپ كەتپەۋٸ ەرەكشە نازارعا الىنعان.
قاراعاندى وبلىسىنىڭ جەرمەڭكەسٸندە 840 توننا ٶنٸم ٶتكٸزٸلەدٸ, 60 ساۋدا ورنى جاساقتالدى. شارا بارىسىندا وبلىستىق شىعارماشىلىق ۇجىمداردىڭ قاتىسۋىمەن مەرەكەلٸك كونتسەرت جەنە «باۋىرساق, قىمىز فەستيۆالٸ» قايىرىمدىلىق اكتسيياسى ۇيىمداستىرىلادى.
«ەلورداعا جەتكٸزٸلگەن ٶنٸمنٸڭ جوعارى ساپاسىنا 100 پايىز كەپٸلدٸك بەرەمٸز. وسىندا تاۋارلار ورتاشا نارىقتىق قۇنىنان 15-20 پايىزعا تٶمەن بولادى. جەرمەڭكە ەكٸ كٷن ٶتەدٸ. سوندىقتان قالا تۇرعىندارىن ساۋدا الاڭدارىنا شاقىرامىز»,- دەدٸ قاراعاندى وبلىسى ەكٸمٸنٸڭ اۋىل شارۋاشىلىق بويىنشا ورىنباسارى شاگۋراشيد مامالينوۆ.
ال «حان شاتىر» ساۋدا ويىن ساۋىق ورتالىعىنىڭ الاڭىندا ٶتٸپ جاتقان شىعىس قازاقستان وبلىسىنىڭ اۋىل شارۋاشىلىعى جەرمەڭكەسٸندە دە ٶنٸمدەر باعاسى قالاداعى ورتاشا قۇنىنان 15-20 پايىزعا ارزانىراق. سونىمەن قاتار وسى ٶڭٸردەن جەتكٸزٸلگەن بالدىڭ تٷرلەرٸ ساتىپ الۋشىلار اراسىندا ٷلكەن سۇرانىسقا يە بولىپ وتىر.
جەرمەڭكەدە تابيعي تازا بال 900-دەن 1200 تەڭگە سوماسىندا ساتىلۋدا. ەلوردا تۇرعىندارىنىڭ كٶپتەپ كەلۋٸنە بايلانىستى ساعات 12:00-گە قاراي ساۋدا ورنىنداعى سٶرەلەر بوساپ قالدى.
«بالدىڭ 70 پايىزى بٸزدە شقو-دا ٶندٸرٸلەدٸ. وسى رەتتە بۇل تابيعي ٶنٸم ەرەكشە برەندكە يە. سوندىقتان جەرمەڭكە كەزٸندە بٸز وسى ٶنٸمگە ايرىقشا ەكپٸن قويىپ وتىرمىز»,-دەد شقو اۋىل شارۋاشىلىعى باسقارماسىنىڭ باسشىسى قونىسباي تٶلەۋبەكوۆ.
جالپى جەرمەڭكەگە بۇل ٶڭٸردەن 400 توننادان استام اۋىل شۋراشىلىعى ٶنٸمدەرٸ جەتكٸزٸلدٸ. ونىڭ ٸشٸندە جىلقى ەتٸ - 42 توننا, قۇس ەتٸ -8 توننا, ٶسٸمدٸك مايى- 10 توننا, شۇجىق ٶنٸمدەرٸ - 7 توننا, بال- 30 توننا, كارتوپ- 8 توننا, كٶكٶنٸس - 107 توننا كٶلەمٸندە قامتىلدى.
ايتا كەتەيٸك, اتالعان ەكٸ وبلىستىڭ اۋقىمدى جەرمەڭكەلەرٸ مەن مەدەني شارالارى قازاقستان تەۋەلسٸزدٸگٸنٸڭ 25 جىلدىعان ارنالىپ وتىر.
