Astanadaǵy №5 mektep-gimnaziiasynyń janynan 14 jastaǵy qyzdyń máiiti tabyldy. Politseiler áleýmettik jelide paida bolǵan basylymǵa qatysty pikir bildirdi, dep habarlaidy "Ult aqparat".
Áleýmettik jelide máiit mektep janyndaǵy qańyrap qalǵan ǵimarattan tabyldy dep aitylǵan. Videoda bir kezderi balabaqsha bolǵan ǵimaratty kórýge bolady. Basylym avtory qaraýsyz qalǵan ǵimarattyń qorshaýmen qorshalmaǵanyn jáne kez kelgen adam ishke emin-erkin kire alatynyn habarlaidy.
Politsiia departamenti máiittiń tabylǵany týraly aqparatty rastady.
"10 qyrkúiekte máiitti tekserý kezinde dene jaraqattary anyqtalmaǵan. Qyzdyń tabylǵany týraly habarlama kelip tústi, oqiǵa boiynsha qylmystyq is qozǵaldy. Bul faktige qatysty sotqa deiingi tergep-tekserýdiń basqa derekteri jariialanbaidy", – dep habarlady politsiia departamenti.
Al jergilikti turǵyndar bul ǵimaratta birneshe ret túrli oqiǵa bolǵanyn aityp jatyr. Olardyń sózinshe, buǵan deiin munda shatyr janyp, er adamnyń denesi tabylǵan.
